Хүүхдээ хүчирхийлдэг, нөхрөө араар нь тавьж байсан гэх Ч.Ундрам гишүүн энэ удаад худал мэдээдэлд нэр холбогдов

Сонгуулийн сургаар улстөрчид нэгнийгээ харлуулах, нэр хүндэд халдах зэрэг үйлдэл энгийн л үзэгдэл. Тэгвэл эл үзэгдлийн ээлжит хохирогч нь УИХ-ын гишүүн Ч.Ундрам болов. Энэ амралтын өдрүүдээр УИХ-ын гишүүн Ч.Ундрамыг Улсын арслан Б.Орхонбаяртай холбож, амрагийн харилцаатай гэх бичлэг цахим орчинд тархсан.

Энэ талаар Ч.Ундрам гишүүн өөрийн цахим хуудастаа "Сонгууль дөхөх тусам гүтгэлэг, доромжлол гаарах бололтой. Тэр хүмүүст хандаж хэлэхэд арай гоолиг хүний зураг ашиглана уу." хэмээн бичсэн байдаг. Тус бичлэгт царай нь харагдахгүй эрэгтэй, урт үстэй эмэгтэй тэврэлдэж байгаагаар гарах аж. Гэвч бичлэг 2016 онд гадаадын хэвлэлүүдэд мэдээлэгдэж байсан, Боливи улсын Засгийн газрын ажилтан асан эмэгтэйн талаарх байжээ. 

Ч.Ундрам гишүүний тухайд 2020 онд Сэлэнгэ аймагт нэр дэвшиж, улмаар УИХ-ын гишүүн болсон. Анх удаа парламентад сууж байгаа тэрээр АНУ-ын Terry Sanford ахлах сургууль, Лондон хотын Олон улсын америкийн их сургуулийн бизнесийн сургуулийг бакалавр, магистрын зэргээр сурч, төгссөн чамгүй боловсрол мэдлэгтэй, докторын зэрэгтэй бүсгүй. Гэвч түүний талаарх гэр бүлээс гадуурх харилцаа үүсгэсэн, хүүхдээ хүчирхийлдэг, ордонд архидан согтуурсан зэрэг таагүй мэдээлэл олон бий. Дээрх мэдээллүүдийг түүний нөхөр анх цахим хуудастаа нийтэлж байсан удаатай. 

Энэ мэт хувийн амьдрал нь олон нийтэд нээлттэй байдаг Ч.Ундрам гишүүн энэ жилийн сонгуульд төвийн бүсэд нэр дэвшихээр горилж буй.