Орос, Украин, АНУ-ын гурван талт хэлэлцээ өндөрлөлөө
Тав дахь жилдээ үргэлжилж буй дайныг зогсоох зорилготой Орос, Украин, АНУ-ын гурван талт яриа хэлэлцээ Абу Даби хотноо хоёр өдөр үргэлжилсний эцэст өндөрлөлөө.
Энэ удаагийн хэлэлцээгээр ОХУ, Украин улс олзлогсдыг олноор нь солилцох талаар тохиролцсон гэж эх сурвалжууд мэдээлжээ.
Түүнчлэн, АНУ-ын зуучлалтай хэлэлцээний үеэр Украины тал байлдааны ажиллагааг зогсоох санал тавьсан, гагцхүү гал зогсож байж Европ дахь аюулгүй байдлын системийг хэлэлцэх боломжтой гэсэн байр суурь илэрхийлсэн байна. Гэвч энэ асуудал дээр талуудын байр суурь зөрүүтэй байсан гэж эх сурвалжууд онцолжээ.
Хэлэлцээний эхний өдөр талууд “1000-ыг 1000-аар” эсвэл “1500-г 1500-аар” гэсэн хэлбэрээр цэргийн олзлогсдыг солилцохын дээр нутаг дэвсгэрийн асуудал ч хөндөгдсөн гэж Украин улсын Ерөнхийлөгч Володимир Зеленський мэдэгдсэн байна. Түүний мэдэгдсэнээр, газар нутгийн асуудал дээр хоёр тал харилцан адилгүй байр суурьтай байгаа аж.
Хэлэлцээний дараа АНУ-ын төлөөлөгчид болох Стив Виткофф болон ерөнхийлөгч Дональд Трампын хүргэн Жаред Кушнер нар Пүрэв гарагт Москвад ОХУ-ын ерөнхийлөгч Владимир Путинтэй, улмаар Дублин хотод Украины ерөнхийлөгч Володимир Зеленскийтэй дараалан уулзахаар болсон байна.
Энд дуулгахад, Абу-Даби хотноо зохион байгуулагдсан хэлэлцээ нь ОХУ, Украин 2026 оны 02 дугаар сараас хойш болж буй анхны хэлэлцээ юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.