ИЗННАМЫГ МАНДУУЛСАН УИХ-ЫН ГИШҮҮН М.НАРАНТУЯА-НАРА САЙД БОЛОХ УУ

Иргэний зориг ногоон намынхан бужигналдаж байна. Тус намд өчигдөр Ерөнхий сайд Г.Занданшатар Засгийн газартай хамтарч ажиллах санал хүргүүлээд буй. Энэ үеэр хамтрагчид нь намынхаа гишүүн М.Нарантуяа-Нараг “хэцүү” нэрт хэмээн шүүмжилжээ. 

Улмаар УИХ-ын гишүүн М.Нарантуяа-Нара намын гишүүдээ шүүжилж эхлэв. Тэрбээр цахим хуудастаа,

“Ялыг нь би үүрч ямбыг нь хамраа ухаж суусан хэдэн амьтад эдэлнэ гэвэл түй май шүү! Хүний хүчээр Их Хуралд суудалтай болчихоод Засаг авах хэмжээний юм ярьцгааж хэвтэж бас хүнийг хэцүү нэртээр нь дууддаг их новшнууд болжээ.  Манайх засагт хамтарлаа ч хүний нөөц гарын таван хуруугаар дуусна.  Би хүний өөрийнгүй үнэнийг чинь дуудна! Маргаашийн та нарын элдэв суудал горилсон хуралд очноо гонж! Угаасаа юу болдог билээ дээ үхсэн баас” хэмээн уурсав.

УИХ-ын гишүүн М.Нарантуяа-Нара болон ИЗНН-ын дарга Б.Батбаатар нарын хооронд үл ойлголцлын асуудал үүсч байсан удаа бий.  Б.Батбаатарын хувьд М.Нарантуяа-Нараг уншиж судлах шаардлагатай байгаа тухай дурдан, намынхаа үйл ажиллагаанд нээлттэй оролцох хэрэгтэй хэмээн шүүмжилж байсан.

Гэхдээ ИЗННам бол М.Нарантуяа-Нарагийн нүүрийг ашиглаж УИХ-д таван суудал авсан гэдэгтэй маргах хүн бараг үгүй биз. Гэтэл одоо намын гишүүнээ хэрэгтэй үедээ ашиглачхаад  хэрэггүй болохоороо буланд шахах нь хэр хүн чанартай нам болохыг харж болохоор.