Хөгжлийн банкныханы хэргээс сугарч үлдсэн ХХБ-ны гүйцэтгэх захирал асан О.Банзрагч гэж хэн бэ

 Улсын хэмжээнд хэрэгжүүлэх томоохон мега төслүүдийг санхүүжүүлэх зорилготой байгуулагдсан Хөгжлийн банкны санхүүжилтийг хамаарал бүхий этгээдүүддээ журам зөрчин олгосон хэрэг нийгмийг хэсэгтээ доргиулсан. Дөрвөн жил гаруй үргэлжилсэн уг хэргийн улмаас 80 хүн, дөрвөн хуулийн этгээд ял авсан цаг саяхан. 

Шүүх хурлыг хаалттай явуулсан тул хэн нь ямар гэмт хэрэг үйлдсэн байж болзошгүй талаар олон нийт мэдэхболомжгүй болсон юм.

Журам зөрчин олгосон санхүүжилтийн нэг нь “Монгол хуурай сүү” төсөл. Шаардлага хангаагүй компанид илт ашиг сонирхлын зөрчилтэй байж болзошгүй үндэслэлээр зээл олгосон хэрэгт тухайн үеийн Хөгжлийн банкны ТУЗ-ын дарга болон бүх гишүүд, Гүйцэтгэх захирал нар холбогдож, зарим нь ял авсан. Тодруулбал, Дээрх алба  тушаалтнууд үйлдлээрээсанаатай нэгдэж, эрх мэдэл, албан тушаалын байдлаа урвуулан ашиглаж, Зээлийн хорооны 2017 оны 4 дүгээрсарын 20-ны өдрийн 2017/19 дугаартай дүгнэлтээр ирүүлсэн “Монгол драй милк” ХХК-ийн хэрэгжүүлэх “Монгол хуурай сүү” төсөлд зориулж зээл олгох асуудлыг шийдвэрлэхдээ Засгийн газрын болон Хөгжлийн банкны дүрмийг зөрчсөн нь батлагдсан.

“Дээрх төсөлд шаардлагатай санхүүжилтийг одоогоор гүйцэтгэх боломжгүй” байсаар байтал Төлөөлөн удирдах зөвлөлийн 2017 оны 4 дүгээр сарын 20-ны өдрийн 23 дугаар тогтоолоор Хөгжлийн банкныГүйцэтгэх захиралд зээл олгох зөвшөөрөл олгосон үйлдлээрээ Монгол Улсын Хөгжлийн банканд14,964,970 ам.долларын буюу 36,111,684,763 төгрөгийн их хэмжээний хохирол учруулсан билээ.

Энэ шийдвэрийг тухайн үеийн ТУЗ бүхэлдээ гаргасан ч сугарч үлдсэн хүмүүсээс анхаарал татаж буй нэгэн нь ТУЗ-ийн гишүүн О.Банзрагч юм. 

Тэрбээр “Сахал”  хочит Д.Эрдэнэбилэгийн ойрын хүнгэгддэг. ХХБ-ныханы төлөөллийн хүн бөгөөд Хөгжлийн банканд ажиллаж байхдаа дээрх хэрэгт оролцсон нь баримтаар нотлогдсон. Мөн Хөгжлийн банкны хөрөнгийг банканд тогтоосон хязгаарыг хэтрүүлэн өөр банкны хадгаламж байршуулж ирсэн ч гэгддэг.

Намтрыг нь харвал МУИС төгссөн нэгэн бөгөөд банкныэдийн засагч мэргэжилтэй. 2001 онд Худалдаахөгжлийн банкнаас ажлын гараагаа эхэлсэн ч 2017 онд Хөгжлийн банканд томилогдон очиж, дээрх хэргүүдэд нэр холбогдож байжээ.

Хөгжлийн банкны цуврал хэрэг дууссаны дараа нэр цэвэр сугарч үлдсэн тэрбээр асуудал намжингуут 2020 онд эргэн Худалдаа хөгжлийн банкандаа очиж, Гүйцэтгэх захирлын тэргүүн орлогчоор суга дэвшин ажиллаж байна.  

Том ар талтай О.Банзрагч гэж хүний талаарх мэдээллийг бид баримтын дагуу үргэлжлүүлэн мэдээлнэ.