Наадмын тасалбарыг их хэмжээгээр авсан иргэд 400-800 мянган төгрөгөөр дамлан зарж байна

                                              

Үндэсний их баяр наадмын нээлт хаалтын тасалбарыг өчигдөр буюу долоодугаар сарын 2-нд цахимаар худалдаалсан. Наадмын тасалбар худалдаалж эхэлсэн даруйдаа ердөө арван минутын дотор зарагдаж дууссан юм. Тэгвэл наадмын тасалбарыг их хэмжээгээр нь авсан иргэд дамлан зарж эхэлжээ.

Өнгөрсөн жилүүдэд Наадмын тасалбар худаалагдаж дууссаны дараа, цахим орчинд наадмын шагийн тасалбарын үнэ нэг сая төгрөг хүрсэн гэх мэдээлэл хөвөрч байв. Тэгвэл өнөөдрийн байдлаар 400-800 мянган төгрөгний үнэтэй байна.

Тодруулбал, “Наадмын тасалбар зарна гэх зарын дагуу залгаж үнийг лавлахад, төв суудлын тасалбар 500 мянган төгрөг. Авна гэвэл яриад өгнө гэв. Дахин нэг иргэн рүү залгаж лавлахад гурван суудал байгаа 800 мянган төгрөгөөр зарна” гэв.

Нэг хүн олноор нь худалдан авч дамлан зарж, үнэ тэнгэрт хаддаг энэ үзэгдэл жил бүр давтагддаг.

Угтаа бол өнгөрсөн жилүүдэд тасалбар худалдаалах цэгүүдээр борлуулахаар нэг хүн олноор аваад дамлан зарж байна гэж үзээд, 2022 оноос цахимаар борлуулдаг болсон. Гэсэн ч энэ байдал алга болсонгүй. Энэ жил ч мөн давтагдаж байна.

Наадмын тасалбар худалдаалагдаж дууссаны дараа цахим орчинд наадмын тасалбарын эрэлт ихэссэн. Үүнийгээ дагаад үнэ тэнгэрт хадсан юм.