Үндэсний их баяр наадамд 5 аварга зодоглоно
Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойд зориулсан Үндэсний их баяр наадмын хүчит бөхийн барилдаан долоодугаар сарын 11-нд эхэлнэ.
Барилдаанд дархан аварга 1, улсын аварга 4, улсын арслан 8, улсын гарди 6, улсын заан 14, улсын харцага 21, улсын начин 48, нийт улсын цолтой 102 бөх бүртгүүлсэн бол аймаг, цэргийн цолтой бөх 244, сумын заан 102, сумын начин 15, залуу бөх 49 бүртгүүлж нийт 512 бөх барилдана.
