Сардаа 30 сая төгрөгийн цалинтай “Эрдэнэс Монгол” нэгдлийн гүйцэтгэх захирал С.Наранцогт гэж хэн бэ

Өчигдөр буюу /2025.08.06/-ны өдөр Төрийн өмчийн бодлого, зохицуулалтын газрын дарга  Б.Цэнгэл Төрийн өмчит компанийн захирлуудын цалин хангамжийн шударга бус хуваарилалтын талаарх асуудлыг хөндлөө. Судалгаанаас үзэхэд, төрийн өмчит компанийн захирлууд хамгийн өндөр нь сарын 30 сая төгрөгийн цалин авч байгаа аж.  

Тухайлбал “Эрдэнэс Монгол”, “Эрдэс таван толгой”, “Хөдөө аж ахуйн бирж”, “Миат” зэрэг ТӨК-ийн захирлуудын цалин  улс, төрийн өмчит компани, салбарын дунджаас өндөр байгаа талаар онцолсон. Тэгвэл сардаа 30 сая төгрөгийн цалин авдаг гэх “Эрдэнэс Монгол” нэгдлийн гүйцэтгэх захирал С.Наранцогтын талаар мэдээллийг бэлтгэн хүргэж байна.

 С.Наранцогт нь МУИС, Сөүлийн их сургуулийг төгссөн. Физик, математик PhD докторын зэрэгтэй. Сангийн яам, БСШУЯ, Хөдөлмөрийн яаманд газрын даргын албыг хашиж байсан. Төрийн банкны ТУЗ-ийн гишүүн бөгөөд ТУЗ-ийн дэргэдэх Хүний нөөц, урамшууллын асуудал эрхэлсэн хорооны даргаар ажиллаж байжээ.

ХӨРӨНГӨ ОРЛОГЫН МЭДҮҮЛЭГ:

Түүний нэг жилийн орлого 2022 онд 64 сая төгрөг байсан бол 2024 онд 393 сая төгрөг болж огцом нэмэгджээ.

Өөрийн орлого: 393 сая төгрөг

Гэр бүлийн орлого: 32 сая төгрөг

Хөрөнгө борлуулсны орлого: 0

Орон сууц барилга байгууламж: 650 сая төгрөг /Орон сууц-1, Зуслангийн байшин-1/

Тээврийн хэрэгсэл: 80 сая төгрөг / Mercedes Benz ML350 маркийн тээврийн хэрэгсэлтэй/

Мал аж ахуй: 0

Газар: 12 сая төгрөг /Эзэмших хоёр газартай/

Үнэт эдлэл, урлаг, түүхийн үнэт зүйл: 40 сая төгрөг

Хадгаламж: 556 сая төгрөг

Авлага: 171 сая төгрөг

Зээл: 360 сая төгрөг гэж мэдүүлжээ.

АЖЛЫН ТУРШЛАГА: 

• 1993-1994 онд Шинжлэх ухааны академийн Математикийн хүрээлэнд туслах-эрдэм шинжилгээний ажилтан
• 1994-1997 онд Шинжлэх ухаан мэдээллийн төвд инженер, ахлах инженер
• 1997-2000 онд Монголын нээлттэй нийгэм хүрээлэнд хөтөлбөрийн зохицуулагч
• 2000-2003 онд Батлах хамгаалах яам, зөвлөх
• 2003-2005 онд Сангийн яаманд мэргэжилтэн, хэлтсийн дарга
• 2005-2008 онд БНСУ, Сөүлийн Үндэсний их сургуульд докторант
• 2008-2012 онд БСШУЯ-нд газрын дарга
• 2012-2015 онд Хөдөлмөрийн яаманд газрын дарга
• 2015-2018 онд Сангийн яаманд газрын дарга
• 2018-2022 Сангийн яаманд Төрийн нарийн бичгийн дарга
• 2022 оноос Эдийн засаг, хөгжлийн Дэд сайд