“Эрдэнэс Монгол” нэгдлийн захирал С.Наранцогтын цалин 30 сая биш бөгөөд 4,5 сая болгосон гэх ямар нэг албан ёсны шийдвэр гараагүй

Хамгийн өндөр цалинтай хүн гэгдэж буй “Эрдэнэс Монгол” нэгдлийн захирал С.Наранцогтын асуудлаар хэвлэлийн албанаас нь мэдээлэл гаргалаа. “Танай дарга нээрээ 30 сая авдаг юм уу?

Цалинг нь бууруулж байгаа юм уу” гэх мэт асуулт хэвлэлийнхнээс тасрахгүй бга тул товчхон мэдээлэл оруулъя. Уг нь бол албан шугмаар зөндөө л тайлбар хийсэн, гэтэл худал ташаа мэдээллийн хүрээ, хэмжээ нь өсөөд бүр 35 сая болох шинжтэй. Ялангуяа ёс зүйтэй сэтгүүлчтэй, хариуцлагатай гэгддэг редакцууд нь иймэрхүү мэдээлэл түгээгээд, бусдаас авсан тодруулгаа мушгиж гарчиглаж, ажлаа зүгээр хийж яваа хүнийг буруу ойлгогдохоор постер мэтийг хийж сэвээд байгаад харамсаж бна. Эрдэнэс Монгол нэгдлийн захирал С.Наранцогтын цалин 30 сая биш, 20 бас хүрэхгүй, мөн цалинг бууруулж 4,5 сая болгосон гэх ямар нэг албан ёсны шийдвэр гараагүй” гэж хэвлэлийн төлөөлөгч нь мэдээллээ.

ТӨК-ийн захирлууд менежмэнтийн гэрээгээ зөрчөөгүй, хуримтлагдсан өр төлбөрийг бууруулсны хувь тооцсон урамшуулал авах ёстой гэвэл харин “Эрдэнэс Монгол” өнгөрсөн 2 жилд санхүүгийн удирдлагыг оновчтой хэрэгжүүлж зөвхөн толгой компани дээр л гэхэд 456 тэрбум төгрөгийн өр төлбөрийг төлж барагдуулсан байдаг байна. Тэгэхээр дээрх логикоор бол цалинг нь 4,5 сая болгож буурууллаа гэхэд хуримтлагдсан өр төлбөр барагдуулсны урамшууллыг 1 хувиар тооцоход л 4,5 тэрбумыг өгөх болж таарч байна уу... гэж үргэлжлүүлжээ.

С.Наранцогт том жижиг нийлсэн 31 компанийг удирдаж, өмнө нь “Эрдэнэс Монгол”-д төдийлөн яригдаж байгаагүй том төслүүдийг хариуцаж, хуримтлалын сангийн санхүүжилтийг ч хуулиар хүлээсэн үүргийнхээ дагуу хэрэгжүүлж яваа хүнд 10-20 сая төгрөгийн цалин байх ёстой л асуудал байх гэдэг дээр олон ургальч саналууд өнөөдрөөс гарч байна.