“Улаанбаатар трамбай” төслийн удирдагч Б.Ану-Үжин шавь, шав хоёроо ялгаж мэддэггүй

Улаанбаатар хотыг хөгжүүлэх 24 мега төслийн хүрээнд түгжрэлийг бууруулах зорилгоор Улаанбаатар хөнгөн галт тэрэг буюу трамвай төслийг хэрэгжүүлж байгаа. Тус төслийн удирдагчаар Б.Ану-Үжин гэх будаг нь ханхалсан шинэхэн НИТХ-ын төлөөлөгч томилогдсон.  

2040 он хүртэл өрнөх уг трамвай төслийн нэгдүгээр шугам 10.2 км урт 14 буудалтай байх бөгөөд Зунжингаас-Сүхбаатарын талбай хүртэл үргэлжилнэ. Харин хоёрдугаар шугам “Steppe arena”-аас-Сүхбаатарын талбай хүртэл 15.8 км урт, 19 буудалтай байх аж.

Тус трамбай саяхан шаваа тавьсан биш төлөөлөгч Б.Ану-Үжин мэдээлэх гэж мэдрэлээ гайхуулсан юм болж манаргав. Шав, шавь хэмээх 2 үгийг ялдаггүй төлөөлөгч байна гэхээр эмгэнэлтэй ч юм шиг. Шууд боловсролын хэр хэмжээг тодорхойлох анхна шатны хэмжүүр мөн. Цаашилбал уг төслийн ард зуу зуун залуус ажилласан гэв. Зуу, зуун гэхээр багадаа 200 хүн ажилласан болж таарна. Дөнгөж шаваа тавих төдийд зуу, зуун хүн ажиллахаар ашиглалтад орох хүртлээ мянга, мянган хүн ажиллах нь ээ. Энэ бүхэн төрийн албанд туршлагагүй дээр нь боловсрол тааруу хүмүүс бөөнөөрөө шавдагийн тод жишээ гэж болно.

Ийн трамбай төслөөр олон нийтэд торох юмгүй танигдсан НИТХ-ын төлөөлөгч Б.Ану-Үжин нь "Ujin parfums Mongolia" үнэртэй усны брэндийг үүсгэн байгуулж, “Шарк танк” нэвтрүүлэгт оролцон бизнесээ болгосон гэдгээрээ олонд танигдсан ч сонгуулийн үеэр энэ бяцхан амжилтаараа пиар хийгээгүй. 2017 онд үнэртэй усны бизнесээ эхлүүлээд 2018 онд МАН-д гишүүн болсон юм билээ. 2016-2018 онд АНУ, Линкольн сургуульд олон улсын бизнесийг магистраар төгссөн нь улс төрд өөрийгөө эртнээс бэлтгэсний илрэл. Ер нь яаж ч бодсон үнэртэй ус, улс төр хоёр нэг л хоршиж явахгүй нь дээ.