Хотын дарга Х.Нямбаатарын хэвлэлийн албанд горилогчид

Энэ тэнд хүн загнаж, хөмсгөө зангидан явдаг Хотын дарга Х.Нямбаатар ажлаа аваад хэдийн хоёр жилийн нүүрийг үзэж байна. Олны хэл амнаас ажирдаггүй хотын даргын хэвлэлийн албыг сонирхох иргэдийн тоо тасрахгүй бололтой.

Тодруулбал, Соёлын сайд Ч.Ундрамын зөвлөхөөр ажиллаж буй, сэтгүүлч Т.Онон энэ албанд гар бие оролцох хүсэлтэй байгаагаа  илэрхийлжээ.

Тэрбээр, “Улаанбаатар хотын дарга Х.Нямбаатарын хэвлэлийн албанд орж ажилламаар байна. Учир нь аж ахуйн ажил хийдэг хүн ховор болсон энэ цагт олон ажлын ард гарах гээд зүтгээд хамт том төслүүдээ ч хөдөлгөх гэж зорьж байна. Зөв таниулъя. Иргэдээ мэдээлэлд ойр байж өөрсдийнхөө төлөөх шийдвэрт оролцдог эрүүл харилцааг хөгжүүлмээр байна. Энэ хотод миний хүүхдүүд ач зээ нар өснө. Тэдний төлөө нийслэлийн ажилд гар бие оролцож үүргээ гүйцэтгэе. Хошуу нэмэхээс хуруу нэмье. Хүсэлт хүлээн авна уу Хүндэтгэсэн Т.Онон” гэжээ.

Харин түүний дараа  Anuxai’s fitness show нэвтрүүлгээр бидний эчнээ танил болсон Маргадизм буюу Т.Маргад-Эрдэнэ мөн энэ албанд орох хүсэлтэй байгаагаа шил дараалан бичээд амжиж.  Залуусын төлөөлөл болж, олон нийтийн сүлжээнд шинэ үеийн дуу хоолой, үзэл бодлыг өөрийнхөөрөө илэрхийлэгч Т.Маргад-Эрдэнэ нь чөлөөт уран бүтээлч, дизайнер мэргэжилтэй. Нэг үгээр, хэвлэлийн салбараас хол хүн. Атал хэвлэлийн албанд санаархаж буй нь “далд санаатай” гэх олон нийтийн хардлагыг төрүүлээд амжжээ.

Сонирхуулахад, Нийслэл, дүүргийн хэвлэл мэдээллийн алба, хэлтэс тасагт ажиллаж буй хүмүүс мэргэжилтэн, ажилтан гэсэн нэршлээр тэмдэглэгддэг.

Мэргэжилтэн нь Төрийн захиргааны цалингийн шатлалаар буюу 1.2-2.0 сая төгрөгөөр цалинждаг. Ажилтан нь Төрийн үйлчилгээний цалингийн шатлалаар 2.0 сая төгрөгнөөс эхэлж цалинждаг байна.

Төрийн улс төрийн албан тушаалтны бүрэн эрхийн хугацаанд зөвхөн өөрт нь үйлчлэх хэвлэл мэдээллийн ажилтан 2.049.000 төгрөгөөр цалинждаг.