Хуульч О.Баасанхүү: МАН-ын хамгийн муу дарга Л.Оюун-Эрдэнэ байлаа, түүнээс салж сошиал орчин, нүд чих амарч байна

Хуульч О.Баасанхүү манай reelnews.mn сайтад 2025 оны наймдугаар сарын 26-ны өдөр буюу Ардчилсан намын ҮБХ хуралдахаас 2 хоногийн өмнө ярилцлага өгсөн билээ. Бид та бүхэнд О.Баасанхүүгийн ярилцлагын онцлох ишлэлүүдийг түүвэрлэн хүргэж байна. Олонд танигдсан хуульчдаас хамгийн хурц үг хэллэгтэй, шударга шулуун нь О.Баасанхүү. Тэрбээр хэт мэдрэг хүмүүст эмзэг тусч магадгүй ширүүхэн үгс унагаж байна билээ.

Есдүгээр сарын 15-нд УИХ-ын намрын чуулган эхлэх гэж байна. Үүгээр маш ноцтой асуудлууд яригдах гэж байна. Тухайлбал, хууль хяналтын байгууллагаас авсан мэдээллээр тодорхой УИХ-ын гишүүдийн бүрэн эрхийн асуудал яригдаж болзошгүй байна.
Та нар энэ УИХ-ын 48-аа хар. Ардын намын 48, манай 48-ыг хар. Ямар хүмүүс байна? Боловсрол нь ч тодорхойгүй, бодол нь ч ойлгомжгүй, яриа хэл нь ч зүгшрээгүй. Өөрсдийнхөө кнопчидоор УИХ-ыг бүрдүүлэх биш, мэдлэг туршлагатай, барьцаалагдаагүй хүн намын дарга болоосой гэж би хүсэж байгаа юм.
Гантөмөр, Одбаяр, Доржханд, Оюун-Эрдэнэ гэсэн нэртэй бүлэглэлүүд, жагсаалтын нэрсийг гаргахдаа дандаа асуудалтай, гэмт хэрэгт холбогдсон, эр эм нь мэдэгдэхгүй этгээдүүдээр бүрдүүлсэн. Энэ зөвхөн миний бодол шүү дээ.
Өнөөдөр тэр болох ёстой, энэ болох ёстой гэж ярихаас илүү Ардчилсан нам 2028 онд ялбал хэн ерөнхий сайд хийх вэ гэдгээ эхэлж бодох хэрэгтэй.
Ардын намд байдаг сайн тал нь даргыгаа дарга, ахмадыгаа ахмад, аваргыгаа аварга, сайдыгаа сайд гэж хүндэлдэг. Тэр нь арван жилийн өмнө сайд байсан уу, нэг жилийн өмнө сайд байсан уу хамаагүй. Нэг сул тал байдаг, авилгачдаа, хэрүүлээ сайн нууж хааж чаддаг.
Баттулгыг хорин сая доллар оруулж ирсэн гээд Аюулгүй байдал, гадаад бодлогын байнгын хорооны дарга Энх-Амгалан мэдэгдээд Энх-Амгалан шоронд, Халтмаагийн Баттулга ордонд, ордонд байх байхдаа бүр хууль зөрчөөд, төрийн хамгаалалтанд Оюун-Эрдэнийн өвөрт байсан биз дээ.
Л.Оюун-Эрдэнэ шалдан болчихсон, Херо баатар нь хэцүүдчихсэн. Женко өнөөдөр МОАХ гэдэг энэ намын суурь байсан холбоог хувьчлаад авчихсан, одоо Ардчилсан намыг хувьчилж авах гээд явж байна. Үүнээс бүгдээрээ гарах хэрэгтэй.
Манай Содномзундуйн Эрдэнэ өглөөхөн Чикагод орой нь элдэв янзын мэдэгдэл хийгээд шоронгийн түлхүүр нүдэнд нь харагдаад айдастай амьдарч байгаа ийм айдастай хүмүүсийг нам дотор эрх мэдэлд байлгаж болохгүй ээ.
Баттулгыг хулгайч гэдгийг би хэлээгүй, хуулийн байгууллага хэлсэн. Энэ хүнийг хулгайч гэдгийг УИХ-ын эрхэм гишүүд хэлсэн. Эрхэм гишүүдийн үг, эрх мэдэлтэй, хуулийн байгууллагыхны үг, генералын үг үнэн байх ёстой.
Намбарын Энхбаяр гэдэг хүнийг бараг Баттулгын технологиор 11 хоног өлсгөлөнд явуулж байсан шүү дээ. Ном хилээр оруулж ирсэн, Тв9-ийн хандивыг хувьдаа завшсан гэж гүтгээд, шүүх нь хэрэгсэхгүй болсон шүү дээ. Ингээд олон нийтээр баахан хэлэлцүүлж байгаад тэр хүнийг өнөөдөр ямар байдалд оруулсан?
Баттулгыг Баянголын бичлэгийн мастер гэж бүгд ярьдаг. Баянголд чи янхануудыг авчирдаг л биз дээ. Би зарим нэгэн этгээдүүдийг нь, тэрэн дотор хүүхэн шуухантайгаа хэвтэж байгааг нь хоёр нүдээрээ харж байсан. Генерал хүн шүү. Би илэн далангуй л хэлчихье. Нэрийг нь хэлээд хүний нэр төрд халдаад яахав. Тэр хүүхэнтэйгээ суучихсан шүү дээ, нөгөө генерал чинь, гэх мэтчилэн.
Би Монгол ардын намын хамгийн муу дарга нь Оюун-Эрдэнэ байлаа гэж бодоод байгаа. Энэ улс оронд гайд авчирлаа. Та нар үе үеийн ерөнхий сайдуудыг хар даа, ямар нэг юм хийгээд үлддэг. Хүрэлсүхээс эхэлье, тэр хүн ковидтэй тэмцлээ, утаатай тэмцлээ, шатахууны үйлдвэр барьчихлаа, гэх мэтчилэн. Сайханбилэг 49 хувийг авчирлаа гэнэ, Жаргалтулгын Эрдэнэбат хямралыг гаргалаа гэдэг ч юм уу. Ингээд хүн болгон өөртөө жижигхээн хөшөө барьчихаад байгаа. Харамсалтай нь манай энэ Оюун-Эрдэнэ манан мафи гэдэг үгнээс өөр юм байхгүй шүү дээ. Ийм этгээдээс салж нүд чих амарч байна.