Удтал эзэнгүй явсан Ардчилсан нам өчигдөр их хурлаараа О.Цогтгэрэлийг намын даргаар сонгосон. Иймд О.Цогтгэрэл одоо хашиж буй албан тушаал болох УИХ дахь АН-ын бүлгийн даргын ажлаа хүлээлгэж өгөх юм. Тэгвэл дараагийн бүлгийн даргаар хэн сонгогдох, хэн өрсөлдөх нь УИХ дахь АН-ын гишүүд дунд халуухан сэдэв болоод байна.

Тодруулбал АН-ын зарим гишүүд болох УИХ-ын гишүүн С.Эрдэнэболд, Ц.Баатархүү, "Фортуна" Н.Батбаярын охин УИХ-ын гишүүн Б.Жаргалан нар АН-ын бүлгийн даргад өрсөлдөнө гэдгээ илэрхийлээд байна.