УИХ-ын гишүүн П.Сайнзориг: Ерөнхий сайдын мэдэгдэл Монгол Улсын Үндсэн хуулийн 39 дүгээр зүйлийн 4 дэх заалтыг зөрчлөө

Ерөнхий сайд Г.Занданшатарыг мэдэгдэл хийсний дараа УИХ-ын гишүүн Д.Сайнзориг нүүр номоороо дамжуулан тайлбар гаргажээ. Тэрээр “Монгол Улсын Үндсэн хуулийн Гучин есдүгээр зүйлийн 4-т зааснаар Засгийн газрын гишүүнийг УИХ, Ерөнхийлөгчид танилцуулснаар Ерөнхий сайд томилж, чөлөөлж, огцруулдаг. Засгийн газрын гишүүн УИХ-д тангараг өргөдөг байхаар хуульчилсан. 
Өнөөдөр Ерөнхий сайдын мэдэгдэл дээрх Монгол Улсын Үндсэн хуулийн заалтыг зөрчлөө.  Тэгэхээр Б.Энхбаяр гишүүн ХЗДХ-н сайдаар томилогдож бүрэн эрх үүсээгүй тул Л.Мөнхбаатар сайд хэвээрээ гэж ойлгох хэрэгтэй. 
Засгийн газар 2025 оны 8 дугаар сарын 20-ны өдрийн тогтоолоор АМНАТ холбоотой журам баталж бас Монгол Улсын Үндсэн хууль зөрчсөн. 
Монгол Улсын Үндсэн хуулийг ягштал мөрдөж, төрийн албан тушаалтны үйл ажиллагаа Монгол Улсын Үндсэн хуульд бүрнээ нийцсэн байх ёстой. 
Монгол Улсын Үндсэн хууль бол ардчилал, хууль ёсны баталгаа. Үүнийг ингэж гажуудуулмааргүй байна. Харамсалтай” гэсэн мэдэгдлийг сошиал хуудсандаа байршуулжээ.