УИХ-ын дарга Д.Амарбаясгалангийн хийсэн мэдэгдлийн ОНЦЛОХ ИШЛЭЛҮҮД
УИХ-ын дарга Д.Амарбаясгалан өнөөдөр цаг үеийн асуудлаар мэдээлэл хийлээ. Тэрбээр хэлэхдээ,
-Ялагдсан журмын нөхөр маань намынхаа нийт гишүүдийн итгэл рүү ус цацаж, намын 300 гаруй мянган гишүүдийн санааг чилээж, Монголын ард түмэнд эргэлзээ төрүүлэх олон үйлдэл хийж байгаад харамсаж байгаагаа дахин илэрхийлье.
-Сүүлийн хоёр жилийн орчмын хугацаанд миний биеийг нүүрсний хулгайч мэтээр зарлаж баримт сэлтгүй гүтгэж ирсэн. Улс төрийн дарамт, улс төрийн дарангуйлал Монгол Улсад бүрэн тогтсон байгааг би өнөөдөр өөрийн биеэр харж байна.
-Намайг өнгөрсөн хоёр жилийн туршид ямар зорилгоор гүтгэж байсны учир нь тайлагдсан. Гүтгэж байсан хүн Хууль зүйн сайд болж албан тушаалаар шагнуулж байгааг Монголын ард түмэн харж байгаа.
-Би ЦЕГ-т гомдол гаргасан. 9-р сарын 29-ний өдөр Амарбаясгалан намайг онц ноцтой хүн амины хэрэгт гүтгэсэн. Энэ асуудлаар би холбогдуулан шалгагдсан эсэх талаар тайлбар мэдээллийг гаргаж өгөөч гэж хандсан.
-Би ХЗДХ-ийн сайд Л.Мөнхбаатарт хандан хууль хяналтын байгууллагуудын үйл ажиллагаа иргэдийн хүсэж байгаа хэрэгцээ шаардлагыг хангах хүсэлтийн хариу өгөх асуудал дээр яаравчлан шуурхай ажиллуулж өгөөч ээ гэдэг хүсэлтээр нэг дэх өдөр хандсан. Магадгүй энэ хандсан үйл явдлаас болоод Л.Мөнхбаатар сайдыг ХЗДХ-ийн сайдаас чөлөөлөх, магадгүй Амарбаясгаланд цагдаагийн байгууллагаас өгөх энэ хариултыг өгүүлэхгүйн тулд хууль хяналтын байгууллагуудын үйл ажиллагаанд улс төрийн дарамт үзүүлж байгаа нөхцөл байдал болзошгүй байна гэдгийг би ойлгож авсан.
-Намайг гүтгэгч этгээд 30 сая долларыг ковидын үед Монгол Улсын хилээр оруулж ирсэн. Ахиад тэр баримтыг нь мэдэж байсан этгээдийг нухчихсан гэдэг үгийг нэвтрүүлгээр орохдоо илэрхийлсэн. Энэ бол хүний ёсонд баймгүй, улс төр, эрх мэдэл, албан тушаалд дуртай байж болно. Гэхдээ эцэг хүний хувьд хийж байгаа асар том гүтгэлэг юм. Миний хувьд 4 хүүхдийн эцэг хүн. Өнөөдөр би улстөрчдийн шуналаас болж эрх мэдлийн төлөөх тэмцлээс болж би гүтгэгдэж доромжлуулж байгаагаа хэзээ ч хүлээн зөвшөөрөх ёсгүй гэж үзэж байгаа” гэв.
