Аж үйлдвэр, эрдэс баялгийн сайд Г.Дамдинням мэдэгдэл хийв

 

Огцор гэснээс болоод Г.Занданшатарын Засгийн газрынхан амьсгаа дээгүүр байна. Г.Дамдинням саяхан л инээд алдсан эелдэг зантай хархүү байсан бол өнөө өглөө нэлээн хашгичиж зогсоо харагдлаа. Түүний өгүүлснээр Засгийн газар орлого муугүй олж оны сүүл гэхэд 130 тэрбум төгрөгийн орлого олох тооцоо гарган 40 хоногийн дотор 80 тэрбумыг олсон. Оны төгсгөлд орлого 200 тэрбум ч хүрэх магадлалтай байгаа гэв.

• Аж үйлдвэр, эрдэс баялгийн сайд Г.Дамдинням: Дарга цэргээ томилж цэрэг нь хулгай хийдгийг арилгахын тулд бид Биржийн хуулийг бий болгосон. Биржийг болиулах юм бол оптек том гэрээ нууц гэрээнүүд явна!
• Бид /Засгийн газар/ оны төгсгөлд 130 тэрбум төгрөгийн орлого олох тооцоо гаргасан. Тэрийгээ хийгээд явж байна. Бид 40 хоногийн дотор 80 тэрбумыг олсон. Оны төгсгөлд орлого 200 тэрбум ч хүрэх магадлалтай байгаа.
• Нүүрсний үнэ унахад хямардаг Засгийн газартай хэчнээн удаан явах гэсэн юм та нар?! 1072 хувьцааныхаа ногдол ашгийг ард түмэндээ олгохын тулд Эрдэнэс Таван Толгойг ашигтай ажиллуулахаар болсон. Иргэддээ ногдол ашгийг нь өгнө.
• Би гуравхан сар сайд хийж байна. Улс орныхоо эдийн засгийг тэлж ард иргэддээ шууд байгалийн баялгийг хүртээж ард түмэндээ 1072 хувьцааны ногдол ашгийг өгчих юмсан гээд явж байна.
• Монгол Улсын Засгийн газар алдаа оноотой юм хийчихсэн бол Цэцэд өгөөч. Өгөөд өгөөч. Тэгээд үнэн мөнийг нь шүүлгэе.
• Шатахууны нөөцийн хэмжээ одоогоор 30 хоногийн нөөц хэвийн байна. Бид ирэх оны Улсын төсөв дээр 50 тэрбум орчим төгрөгийн хөнгөлөлттэй зээл гаргаж улсынхаа шатахууны нөөцийг хадгалдаг сав нэг ч болов бий болгохоор ажиллаж байна. Засгийн газар ажлаа хийж байна. Ард иргэд тайван байгаарай.