Төрийн ордонд гурван төрлийн албан бичиг дээр УИХ-ын гишүүдийн гарын үсгийг цуглуулж байна.
Нэгдүгээрт, УИХ-ын гишүүн П.Сайнзориг тэргүүтэй гишүүдийн санаачилсан Ерөнхий сайд Г.Занданшатарын засгийн газрыг огцруулах албан бланк дээр өнөөдрийн байдлаар 55 гишүүн гарын үсэг зуржээ. Тэд өнөөдөр УИХ-д Засгийн газрыг огцруулах саналаа албан ёсоор хүргүүлээд байна.
Хоёрдугаарт, нөгөө талд УИХ-ын гишүүн Д.Энхтүвшингийн албан бланк дээр УИХ-ын дарга Д.Амарбаясгаланг огцруулахаар гарын үсэг цуглуулж эхэлжээ. Одоогийн байдлаар 37 гишүүн зурсан аж.
Гуравдугаарт, УИХ-ын гишүүн Л.Оюун-Эрдэнийн Ухаа худгийн асуудлаар мөн албан бичигт гишүүдийн гарын үсгийг цуглуулж буй. Тус бичигт өнөөдрийн байдлаар 52 гишүүн үсэг зурсан гэх мэдээлэл байна.
