Хөвсгөл аймгийн тариалан суманд сар хүрэхгүй хугацаанд гурван хүн сураггүй боллоо

Хөвсгөл аймгийн Тариалан суманд сар хүрэхгүй хугацаанд хоёр иргэн сураггүй болж, нэг хүүхэд амиа алджээ.

Тодруулбал, Хөвсгөл аймгийн Тариалан суманд есдүгээр сарын 17-нд 2 настай хүүхэд сураггүй алга болж, ес дэх хоног дээрээ цогцсыг олсон бол есдүгээр сарын 21-нд самарт яваад сураггүй болсон 46 настай эмэгтэйг 19 хоног хайж, ар гэрийнхний хүсэлтээр аравдугаар сарын 10-нд эрэн хайх ажиллагааг зогсоосон юм.

Мөн тус суманд аравдугаар сарын 6-нд гэрээсээ гараад сураггүй алга болсон иргэнийг эрэн хайх ажиллагаа үргэлжилж байна.