Багш нар Пүрэв гарагаас эхлэн ажил хаялт хийх талаар эцэг эхчүүдэд мэдэгдэл хүргүүлжээ
Боловсрол салбарын багш, ажилтны цалин хөлс нэмүүлэх шаардлага, жагсаал, хурал, суулт зэрэг шат дараалсан тэмцэл үр дүнд хүрэхгүй байгаа тул дараагийн шатны тэмцэл бүх гишүүдийн саналын дагуу хугацаагүй ажил хаялт хэлбэрт шилжихээр болж байна.
МБШУҮЭХолбоо Боловсролын Яаманд 2025 оны 10 дугаар 09-нд ажил хаялт хийх бичгээ өгсний хуулийн хугацаа нь 10 дугаар 15-нд дуусч, 10 дугаар сарын 16 -нд ажил хаялт эхэлнэ.
Ажил хаялт, хуулийн зөвлөхийн гарын авлагын дагуу зохион байгуулагдаж, ажлын хэсэг байгуулж, үйл ажиллагааг хуулийн хүрээнд, ҮЭХолбооноос өгсөн журмын дагуу зохион байгуулна.
Тиймээс багш нар Пүрэв гарагаас эхлэн ажил хаялт хийх талаар эцэг эхчүүдэд мэдэгдэл хүргүүлжээ.
Тэд цалин хөлсөө нэмэгдүүлтэл буюу 10-р сарын 16-ны өглөөний 08 цагаас эхлэх бөгөөд багш нарын цалин хөлсийг нэмэгдүүлэх хүртэл хугацаанд тэдний нөхцөл байдлыг ойлгон, хүүхдүүдээ сайтар харж хандаж байхыг эцэг эхчүүдээс хүсжээ.
