Энэтхэгийн буцалтгүй тусламжаар Богд хааны өвлийн ордныг сэргээн засварлана

Ерөнхийлөгч У.Хүрэлсүх Бүгд Найрамдах Энэтхэг Улсад төрийн айлчлал хийж байна. Түүнийг өнөөдөр (2025.10.14) БНЭУ-ын Ерөнхий сайд Нарендра Моди албан ёсоор угтан авлаа. Ерөнхийлөгч У.Хүрэлсүх, БНЭУ-ын Ерөнхий сайд Нарендра Моди нар ганцаарчилсан уулзалт болон албан ёсны хэлэлцээ хийв. Тухайлбал,

Хоршооллыг дэмжих тухай Монгол Улсын Засгийн газар, БНЭУ-ын Засгийн газар хоорондын хэлэлцээр
“Хүмүүнлэгийн тусламж, тусламжийн чиглэлээр хамтран ажиллах тухай Монгол Улсын Засгийн газар, БНЭУ-ын Засгийн газар хоорондын харилцан ойлголцлын санамж бичиг
“Богд хааны өвлийн ордныг хамгаалах, сэргээн засварлах тухай Монгол Улсын Засгийн газар, БНЭУ-ын Засгийн газар хоорондын харилцан ойлголцлын санамж бичиг
“Жижиг, зардал багатай төслүүдэд энэтхэгийн буцалтгүй тусламжийг чиглүүлэхэд хамтран ажиллах тухай Монгол Улсын Засгийн газар, БНЭУ-ын Засгийн газар хоорондын санамж бичиг
“Соёлын солилцооны тухай Монгол Улсын Соёл спорт, аялал жуулчлал, залуучуудын Ам болон БНЭУ-ын Соёлын яам хоорондын 2025-2029 оны хөтөлбөр
“Геологи, ашигт малтмалын салбарт хамтран ажиллах тухай Монгол Улсын Аж үйлдвэр, эрдэс баялгийн яам, БНЭУ-ын Уул уурхайн яам хоорондын санамж бичиг,
“Хамтран ажиллах тухай Монгол Улсын Архангай аймаг болон Бүгд Найрамдах Энэтхэг Улсын Лех хот дахь Ладакийн Автономит бүсийн хөгжлийн зөвлөл хоорондын харилцан ойлголцлын санамж бичигт гарын үсэг зурлаа.
Айлчлалын хүрээнд Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсын Ерөнхий сайд Нарендра Моди нар “Хайдарабад” ордны цэцэрлэгт хүрээлэнд хоёр ард түмний найрамдал, нөхөрлөлийг бэлгэдэн дурсгалын мод тарилаа.