Х.Тэмүүжин: Ерөнхий сайдыг огцруулахад байнгын хорооны дүгнэлтийг чуулганд танилцуулна гэж л заасан
Өнөөдөр /2025.10.16/ УИХ-ын чуулганы хуралдаанаар Ерөнхий сайд Г.Занданшатарыг огцруулах эсэх асуудлыг хэлэлцэж буй. Гэвч зарим гишүүд ТББХ-ны хуралдаанаар Ерөнхий сайдыг огцруулахыг дэмжихгүй гэсэн саналыг дэмжье гэсэн саналын томьёоллоор санал хураах нь Үндсэн хуульд нийцэхгүй гэж үзэж байгаа юм.
Тэгвэл энэ талаар УИХ-ын гишүүн Х.Тэмүүжин байр сууриа илэрхийллээ. Тэрбээр "Ерөнхий сайдыг огцруулахад байнгын хорооны дүгнэлтийг чуулганд танилцуулна гэж л заасан. Анх оруулж ирсэн томъёлол буюу огцруулахыг дэмжих үү гэдгээр л УИХ санал хурааж шийдвэрээ гаргах ёстой" гэв.
