Х.Булгантуяа: Сайд нарын томилгоо болоход 28 цаг хуралддаг байхад Үндсэн хуулийн зүйл заалт хэлэлцэх болохоор ядарч байна, амармаа байна гэдгээ болиорой
Өнөөдөр /2025.10.16/ УИХ-ын чуулганы хуралдаанаар Ерөнхий сайд Г.Занданшатарыг огцруулах эсэх асуудлыг хэлэлцэж буй. Гэвч зарим гишүүд ТББХ-ны хуралдаанаар Ерөнхий сайдыг огцруулахыг дэмжихгүй гэсэн саналыг дэмжье гэсэн саналын томьёоллоор санал хураах нь Үндсэн хуульд нийцэхгүй гэж үзэж байгаа юм. Мөн УИХ-ын дарга Д.Амарбаясгалан өөрийн хүсэлтээр үүрэгт ажлаасаа чөлөөлөгдөх хүсэлтээ өгсөн. Улмаар ТББХ хуралдаж, гишүүд уг саналыг 100 хувь дэмжснээр чуулганаар үргэлжлүүлэн хэлэлцэх юм.
Тэгвэл УИХ-ын гишүүд одоо хүртэл ирцэндээ орохгүй байгаад УИХ-ын дэд дарга Х.Булгантуяа бухимдаж эхэллээ. Тэрбээр "Сайд нарын томилгоо болоход 28 цаг хуралддаг байхад Үндсэн хуулийн зүйл заалт хэлэлцэх болохоор гишүүд ядарч байна, амармаа байна гэдгээ болиорой" хэмээн үг хэллээ.
