Ахмадын тэтгэврийг нэмэгдүүлэх асуудлыг Төсвийн байнгын хороонд уламжлахаар боллоо
Өргөдлийн байнгын хороогоор, ахмад настны тэтгэврийг нэмэгдүүлэх, тэтгэврийн зээлийн хүүг бууруулах, эрүүл мэндийн болон асрах үйлчилгээг сайжруулах талаар иргэдээс ирүүлсэн өргөдлийг судлан үзэж, санал, дүгнэлт боловсруулах үүрэг бүхий ажлын хэсгийн санал, дүгнэлтийг сонслоо.
Өргөдлийн байнгын хорооны гишүүд хэлэхдээ, “Ахмадын тэтгэвэрт энэ удаа дорвитой нэмэгдэл хийж чадахгүй нь тодорхой, иймд цаашлаад шаардлагатай хуульд өөрчлөлт оруулах, тогтолцооны шинжтэй шинэчлэл хийх хэрэгтэй” гэв.
Иймд илүү бодитой шийдэл олох хэрэгтэй гэдэг дээр санал нэгдэж, асуудлыг Хүний хөгжлийн байнгын хороо болон Төсвийн байнгын хороонд уламжлахаар тогтлоо.
