Бөөр, элэг шилжүүлэн суулгах аргыг нэвтрүүлж, нутагшуулсан Д.Нямсүрэн, О.Сэргэлэн нарт Ардын эмч цол хүртээлээ
Улсын Нэгдүгээр төв эмнэлгийн 100 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий эрхмүүдэд төрийн дээд цол, одон, медаль гардууллаа.
Монгол Улсын Ардын эмч цолыг:
- Бөөрний өвчлөлийн оношилгоо, эмчилгээ болон бөөр шилжүүлэн суулгах мэс заслын эмчилгээний аргыг нэвтрүүлэхэд мэдлэг, ур чадвараа дайчлан, эрүүл мэндийн салбарын хөгжилд үнэтэй хувь нэмэр оруулсан Эрүүл мэндийн яамны Урологи-Андрологийн мэргэжлийн салбар зөвлөлийн дарга, Бөөр шилжүүлэн суулгах багийн зөвлөх эмч, Хүний гавьяат эмч, Төрийн хошой шагналт, Анагаах ухааны доктор, профессор Даваажавын Нямсүрэн,
- Элэг шилжүүлэн суулгах мэс заслын аргыг нутагшуулж, олон улсад шилдэг мэс засалчаар үнэлэгдэж, Эрүүл мэндийн салбарт баримтлах бодлогын баримт бичиг, Донорын тухай хуулийн төслийг боловсруулахад оролцон эрүүл мэндийн салбарт жинтэй хувь нэмэр оруулсан Улсын Нэгдүгээр төв эмнэлгийн Эрхтэн шилжүүлэн суулгах төвийн зөвлөх эмч, Элэг шилжүүлэн суулгах үндэсний багийн ахлагч, Хүний гавьяат эмч, Төрийн шагналт, Анагаахын шинжлэх ухааны доктор, профессор Оргойн Сэргэлэн нарт хүртээлээ.
Хүний гавьяат эмч цолоор:
- Улсын Нэгдүгээр төв эмнэлгийн захирал асан, ахмад эмч Ноосгойн Оюунцэцэг,
- Улсын Нэгдүгээр төв эмнэлгийн Ерөнхий захирлын албан үүргийг түр орлон гүйцэтгэгч Лувсандагвын Бямбасүрэн,
- Улсын Нэгдүгээр төв эмнэлгийн Мэдээгүйжүүлэг, хагалгааны нэгдсэн тасгийн зөвлөх эмч Донхимын Чулуунбаатар,
- Улсын Нэгдүгээр төв эмнэлгийн Нүд судлал, мэс заслын тасгийн зөвлөх эмч Пэлжээгийн Бүрэнжаргал,
- Улсын Нэгдүгээр төв эмнэлгийн Яаралтай тусламжийн тасгийн эрхлэгч Самдангийн Алтансүх,
Хөдөлмөрийн гавьяаны улаан тугийн одонгоор:
- Улсын Нэгдүгээр төв эмнэлгийн дарга асан, Монголын өрхийн анагаах ухааны мэргэжилтнүүдийн холбооны Ерөнхийлөгч Содовын Сонин,
- Улсын Нэгдүгээр төв эмнэлгийн Бүдүүн шулуун гэдэсний мэс заслын тасгийн эрхлэгч Эрдэнийн Бат-Өлзий,
- Улсын Нэгдүгээр төв эмнэлгийн Мэдрэлийн эмнэлзүйн төвийн их эмч Гончигсүрэнгийн Энхцэцэг,
- Улсын Нэгдүгээр төв эмнэлгийн Эрүүл мэндийг дэмжих төвийн дарга Буянтын Доржханд,
Алтан гадас одонгоор:
- Улсын Нэгдүгээр төв эмнэлгийн Захиргаа, хүний нөөцийн албаны дарга Пүрэвдоржийн Мөнхтуул,
- Улсын Нэгдүгээр Төв эмнэлгийн Эрчимт эмчилгээний тасгийн их эмч Эрхэмийн Энхчимэг,
- Улсын Нэгдүгээр төв эмнэлгийн Эрчимт эмчилгээний тасгийн эрчимт эмчилгээний эмч Шаалуугийн Цэрэнлхам,
- Улсын Нэгдүгээр төв эмнэлгийн Эмнэл зүйн эмгэг судлалын лабораторын ахлах лаборант Даваадоржийн Лхамсүрэн,
- Улсын Нэгдүгээр төв эмнэлгийн Алсын түргэн тусламжийн жолооч Чойжилсүрэнгийн Батдэлгэр,
- Улсын Нэгдүгээр төв эмнэлгийн Уламжлалт сэргээн засах эмчилгээний тасгийн сувилагч Ширчингийн Баттулга,
- Улсын Нэгдүгээр төв эмнэлгийн Зүрхний төвийн зохицуулах сувилагч Лхагваагийн Буянхишиг,
Хөдөлмөрийн хүндэт медалиар:
- Улсын Нэгдүгээр төв эмнэлгийн Сувилахуйн албаны арга зүйч Доноровын Долгор,
- Улсын Нэгдүгээр төв эмнэлгийн Эрчимт эмчилгээний тасгийн их эмч Баасанжавын Батцэцэг,
- Улсын Нэгдүгээр төв эмнэлгийн Эм хариуцсан ахлах менежер, хими эмчилгээ хариуцсан эм зүйч Лоохоны Хэрлэнчимэг,
- Улсын Нэгдүгээр төв эмнэлгийн Ариутгал, халдваргүйтгэлийн тасгийн сувилагч Болдын Эрдэнэчимэг,
- Улсын Нэгдүгээр төв эмнэлгийн Хэрх үе судлал, үе сэргээх төвийн их эмч Өлзийбаярын Баярцэнгэл нарыг шагналаа.
Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон тэдний гэр бүл, хамт олонд баяр хүргэж, амжилт хүсэн ерөөлөө.
