Д.Амарбаясгалангийн эсрэг төрийн машин эргэлт буцалтгүй ажиллаж эхэлжээ

Өнөөдөр Засгийн газрын ээлжит хуралдаан болж байна. Эл хуралдааны эхэнд Шадар сайд С.Амарсайхан өөрийн хүсэлтээр Засгийн газрын кабинетээс гарч буйгаа мэдэгдсэн билээ. Гэтэл удалгүй Г.Занданшатар түүнийг хариуцлагын гэрээ зөрчсөн тул Засгийн газраас огцрууллаа гэх мэдээлэл цацаж эхлэв.

Гол асуудал нь С.Амарсайхан Засгийн газрыг огцруулах акцад гарын үсэг зурснаас эхэлсэн билээ. Түүнд гомдож, шархалсан Г.Занданшатар кабинетаасаа хөөж байгаа мэт дүр эсгэж байгаа нь энэ.

С.Амарсайханы хувьд улс төрийн ринген дээр угаасаа Д.Амарбаясгалангийн баруун гар гэгддэг. Нөгөө талаараа Ерөнхийлөгч У.Хүрэлсүхтэй маш ойр шадар харилцаатай явж ирсэн. Тиймдээ ч олон жил Шадар сайдын сэнтийд дархлагдсан мэт заларсан нэгэн.

Эндээс үзвэл, Д.Амарбаясгалангийн эсрэг төрийн машин эргэлт буцалтгүй ажиллаж эхэлжээ. Түүний гар хөлийг тасдаж тайрч байна гэхэд хилсдэхгүй.

Зодооны эхэнд, С.Чулуунзагдын баривчилгаагаар эхэлсэн бол энэ удаад С.Амарсайханаар оролдож төрийн төмөр нударга үзүүлж, хүч хэний талд үйлчилж байгааг жинхэнэ үзүүлж байх шиг.