П.Наранбаяр: Нэг талд багш нарын цалинг 2,5 сая төгрөгт хүргэх, нөгөө талд 30 хувиар нэмэх гэдэг хувилбарууд яригдаж байна
Багш нар үндсэн цалингаа 3,5 сая төгрөгт хүргэх шаардлага тавьж, хугацаагүй ажил хаялт зарлаад 11 хоног болж буй. Тэгвэл Засгийн газраас цалинг 15-20 хувиар нэмэгдүүлэх боломжтой гэдэг шийдвэр гаргасан. Гэвч уг шийдвэрийг багш нар хүлээн зөвшөөрөхгүй байгаа юм. Тухайлбал багш нар цалингаа заавал 3,5 сая төгрөгт хүргэж байж, ажил хаялтаа зогсооно гэдэг байр суурьтай байгаагаа илэрхийлсэн. Харин энэ үед яаралтай хэлэлцээ хийж, Засгийн газраас дорвитой шийдвэр гаргана гэдгийг Боловсролын сайд П.Наранбаяр мэдээллээ.
