Хотыг “Бодь” групп авах уу гэдэг сэвээний цаад учир юу байв?
МАН-ынхан удахгүй нэг нэгнээ бурханы оронд залахад ч ойрхон байх шиг!
МАН-ын Их хурлыг угтсан улс төрийн жүжиг үргэлжилсээр, өдөр бүр хачин жигтэй мэдээллүүд сэвэгдээстэй байна. Тухайлбал, Их хурлаас 10 хоногийн өмнө “Б.Аюурсайхан сайн хүмүүжсэн тул хугацаанаасаа өмнө суллагдсан” гэж мэдээлэл сэвэгдсэн бол долоо хоногийн өмнө Ерөнхий сайд асан Л.Оюун-Эрдэнэ гэгээн дүрээрээ хэвлэлийн өмнө гарч ирж мэдээлэл хийв. Ингэж хэлсний учир нь, Л.Оюун-Эрдэнэ өөрөө л сайн дураараа гарч ирж мэдээлэл хийнэ үү гэхээс ордны хаа нэг булан тохойд түүнийг барьж авч ам алдуулна гэдэг бараг боломжгүй VIP гишүүн.
Тэгвэл энэ удаад МАН-ын Их хурлаас дөрөв хоногийн өмнө буюу өчигдрөөс /2025.11.10/ хотын дарга Х.Нямбаатарын бие муудаж удахгүй ажлаа өгөх нь хэмээн сэвж эхлэв. Эндээс үзвэл МАН-ынхан удахгүй нэг нэгнээ бурханы оронд залахад ч ойрхон байх шиг.
Б.Аюурсайхан шоронгоос суллагджээ гэх илт улс төрийн зорилготой мэдээллийг Чингэлтэй дүүргийн МАН-ын хорооны дарга, УИХ-ын гишүүн Н.Батсүмбэрэл тараасан гэдэг. Харин хотын дарга Х.Нямбаатараар хэн оролдож эхлэв гэдэг анхаарал татаж байна.
Хэрэв хотын дарга Х.Нямбаатар ажлаа өгөх дээрээ тулбал түүний ажлыг Хотын нэгдүгээр орлогч Д.Даваадалай залгамжлах өндөр магадлалтай гэсэн нэг өнцөг. Т.Даваадалай нь Д.Баясгалангийн гарын хүн бөгөөд “Бодь интернэшнл” ХХК-ийн “Тавантолгойн нүүрс ачих логистикийн төв”-ийн захирал, “Бодь интернэшнл” ХХК-ийн Судалгаа хөгжүүлэлтийн төвийн захирлаар тус тус ажиллаж байсан эр. Тэр ч бүү хэл түүний төрсөн дүү Т.Мөнхдалай “Улаанбаатар метро”-ны төслийн менежерээр ажиллаж байгаа.
Тун саяхан “Урт цагаан”-д доороо 198 машины зогсоол бүхий цэцэрлэгт хүрээлэн байгуулах тендерийг ч “Бодь”-ийн Д.Баясгалангийн компани авсан.
Товчхондоо Хотын дарга Х.Нямбаатарыг халаагаа өгвөл Улаанбаатар хот утгаараа “Голомт”-ын Д.Баясгалангийн гарт орно гэсэн санаа.
Нэгдүгээр орлгогч Т.Даваадалайгийн намтар түүхээс сөхвөл, инженер мэргэжилтэй. Боловсролын хувьд 2011 онд ОХУ-ын Санкт Петербург хотын Зам харилцааны их сургуулийг дүүргэж 2017 онд Австрали улсын Күийнсландийн их сургуульд инженер болон менежментийн ШУ-ны магистр цол хамгаалсан нэгэн.
Ажилласан туршлагын хувьд
2011-2015 онд Улаанбаатар төмөр замын ХНН-ийн туслах машинч, засварын хүлээн авагч, машинч, засварын инженер
2016 онд “UniCar” старт-ап үүсгэн байгуулагч
2017 онд “Батс-Өргөө” ХХК-ийн ОТ сайт менежер
2018 онд “Аплайс Монгол” ХХК-ийн бизнес хөгжлийн менежер
2020 онд “Дава Бизнес Консалтинг” ХХК-ийн захирал
2020 онд “NCСS ХХК”-ийн ОТ төслийн менежер
2019-2021 онд “Вагнер Ази” ХХК-ийн техникийн зөвлөх багийн менежер
2021 оноос өнөөдрийг хүртэл “Бодь Интернэшнл” ХХК-ийн “Тавантолгойн нүүрс ачих логистикийн төв” төсөл хариуцсан захирал
2022 оноос өнөөдрийг хүртэл “Бодь” группийн R&D төвийн даргаар ажиллаж байсан туршлагатай аж.
