Б.Баярбаатар: Улс төрийн намын дотоод ардчилал, хяналт тэнцлийн механизм алдагдвал МАН бүлэглэлийн нам болж хувирна
МАН-ын Хяналтын хорооны дарга Б.Баярбаатаар “Намын нэрээр өндөр албантушаалд томилогдсон зарим нөхөд албан тушаалдаа эрдэж намын дүрмийг сахин хэрэгжүүлэх нь үзэмжийн хэрэг болсон МАН-ын 31 дүгээр Их хурал үргэлжилж байна. Хурлын үеэр МАН-ын Хяналтын ерөнхий хороонытайлан илтгэлийг тус хорооны дарга, УИХ-ын гишүүн Б.Баярбаатар тавьсан юм.
Тэрбээр илтгэлийнхээ эхэнд “Миний илтгэлд сайн мэдээтун ховор” хэмээн онцлоод тайлант илтгэлээ үргэлжлүүлсэн. МАН-ын Хяналтын ерөнхий хорооны дарга“Хяналтын ерөнхий хороо нь МАН-ын дотоод хяналт, сахилга, ёс зүй, ил тод байдлыг хангах бодлогыг тууштай баримталж ажилласан. Манай намын 31 дүгээр Их хурал дотоод талдаа ашиг сонирхлын зөрчил, ажил албан тушаалын төлөөх тэмцэл, талцал хуваагдалтай эгзэгтэй хүндхэн үед хуралдаж байна. Манай нам гишүүдийнхээ итгэл зүтгэл, удирдлагын зөв бодлогоор анх удаа гурав дараалсан түүхэн ялалтыг хамтдаа бүтээсэн. Гэтэл бидний төсөөллөөс давсан үйл явдлууд өрнөлөө. Манай намаас сонгогдож томилогдсон зарим нөхөд үүрэг даалгавраа үл ухамсарлаж, хувийн эрх ашигаа улс орны эрх ашигаас дээгүүр тавьж байгааг бид харж байна.
Эдгээр үйлдэл нь намын нэр хүнд эв нэгдэлд хор учруулаад зогсохгүй олон түмний сайхан сэтгэл рүү ус цацсантай адил юм. Өнөөдрийн үүсээд байгаа нөхцөл байдал 2027 оны Ерөнхийлөгчийн сонгууль, 2028 он УИХ-ын сонгуулийн дүнд сөргөөр нөлөөлж болохуйц байгаа талаар судалгааны дүн гарсан. Бид намын хяналтын байгууллагын уламжлал, шинэчлэлийг баримтлан намын хяналтын байгууллагын үүрэг хариуцлагыг өндөржуулэхэд анхаарч ажиллаа. Намын хяналтын байгууллага нийт 2691 гишүүнтэйгээр, хамтын хариуцлагын зарчмаар ажиллаж байна. Манай намд хариуцлагын асуудлыг санаатай болон санамсаргүйгээр ихээхэн бүдгэрүүлэх асуудал байсаар байна. Ялангуяа намын нэрээр өндөр албан тушаалд томилогдсон зарим нөхөд үүрэг хариуцлагаа умартан албан тушаалдаа эрдэж намын дүрмээр заасан хэм хэмжээг сахинхэрэгжүүлэх нь үзэмжийн хэрэг мэт дур зоргоороо авирлан загнах болсон. Энэ нь удирдах удирдуулах ёс алдагдахад хүргэж байна. Улмаар намын гишүүд хамт олны итгэлийг унагах аюултайг бүх шатандаа анхаарах хэрэгтэй байна. Өнгөрсөн хугацаанд авлига албан тушаалын хэрэгт холбогдож, шүүхээр гэм буруутай ньт огтоогдсон, намын үндсэн дүрмийн ёс зүй, сахилга хариуцлагатай холбоотой заалтуудыгноцтой зөрчсөн долоон хүнийг намаас гарсандтооцож, 10 хүнийг намаас түдгэлзүүлсэн.
Мөн хоёргишүүнд сануулах арга хэмжээг авсан. Өнөөдөр нийслэл хийгээд орон нутагт МАН-ынхороод анхан шатны байгууллагуудын үйл ажиллагааг гацааж намын үндсэн дүрмээс гадуурулс төр хийж намын гишүүдийг талцал хуваагдалд хүргэж байгаа хүчин зүйл бол тухайн тойргоосУИХ-д сонгогдсон гишүүдийн үйлдэл болон эсүйлдэл гэдгийг би хэлэхийг хүсч байна. УИХ-ын гишүүдээс өөрийн сонгогдсон орон нутгийн намын хороодын үйл ажиллагаанд шууд болон шуудбусаар оролцож, танил тал, ураг төрлийн холбоотойрсон томилгоо хийх, хийхийг шахаж шаардах, дарамтлах байдлыг таслан зогсоох цаг болсон. Нэр бүхий УИХ-ын гишүүд өөрийн сонгогдсон аймаг, дүүргийн намын хороодын даргын сонгуульт ажлыг хашиж байгаа нь тухайн дүүрэг, орон нутгийн намын анхан шатны байгууллагын үндсэнүйл ажиллагаа доголдох, эзэнгүйдэх, намынгишүүд ах дүүс, танил талаараа талцан хуваагдах нөхцөлийг үүсгэж байгаад дүгнэлт хийж намын дүрмийн хэрэгжилтэд тээг гацаа үүсгэж байгааэнэхүү доголдлыг шийдвэрлэх улс төрийн шийдвэрийг нэн яаралтай гаргах шаардлагатай гэжүзэж байна. Улс төрийн намын дотоод ардчилал, хяналт тэнцлийн механизм алдагдвал МАН бүлэглэлийн нам болж хувирна. Цаашид аймаг, нийслэл, дүүргийн намын даргыг тухайн орон нутгаас нэр дэвшүүлэн сонгон ажиллуулж байх зарим баримтлах нь зүйтэй болохыг энд онцолъё. Намын дотоод хяналтын чиг үүргийг манлайлан хэрэгжүүлсэн Дархан-Уул, Сэлэнгэ, Дорнод, Хөвсгөл, Орхон, Өмнөговь, Увс аймгууд болон нийслэлийн намын хяналтын байгууллагын хамт олонд талархал илэрхийлье…” хэмээлээ. МАН-ын 31 дүгээр Их хурал үргэлжилж байна.
