Шадар сайдаар Н.Хассуурь хурандаагийн хүү, ээж П.Бямбасүрэнгийнхээ компаниар Хөгжлийн банкнаас 33 тэрбум төгрөгийн зээл хууль бусаар авч яллагдагчаар татагдаж асан Х.Ганхуяг дургүйхэн тодорлоо

Монголд өнөөдөр сайд болохдоо хамгийн ярвагар аз жаргалгүй төрхтэй тамгаа гардсан хүнээр “Хера” Х.Ганхуяг нэрлэгдэж байна. Уг нь Ч.Ундрамтай тэврэлдсэн алдарт зурган дээрээ аюулын нялуун царайтай инээд алдаад байсан.

Дүр төрх нь ширүүн шазруун, хөмхий зуулттай янхийгаад ирлээ шүү. Тэрбээр 26 насандаа импортын бизнесээр гараагаа эхэлж 30 хүрээгүй байхдаа Монголын топ 100 аж ахуйн нэгжийн жагсаалтанд компаниа оруулсан жаатай бизнесмэн. Яахав тэгээд сайн Их хурлын гишүүн, сайд, улстөрчийг ямар нэг яллагдагчаар татагдсан тогтоол чимэг мэт дагадаг мэт болсон.

Х.Ганхуяг гишүүн боломжооны бизнестэй хөрөнгө чинээтэй атлаа Г.Амартүвшин гишүүнийг Хөгжлийн банкны захирлаар ажиллаж байхад нь нөлөөлж, ээж П.Бямбасүрэнгийнхээ “Вертекс Майнинг Партнер” ХХК-ийн хэрэгжүүлж буй “Энержи Ресурс” ХХК-ийн “Ухаа худаг” уурхайн хөрс хуулалтын ажлыг өргөтгөх зорилго гэж тодорхойлон хуйвалдан зээл авсан нь яллагдагчаар татагдахад хүргэж байжээ.

Түүний бэр эгч Б.Алтанцэцэг нь “Эрдэнэбүрэнгийн усан цахилгаан станц”-ын төсөл эхлэхтэй зэрэгцэн “Сэргээгдэх эрчим хүчний үндэсний төв” ТӨҮГ-ын захирлаар томилогдчихлоо гэж хэсэг шуугисан. Гэхдээ үүгээр Х.Ганхуягийн паян дуусахгүй. Тодруулбал түүнийг энэ цаг үед гэргийтэйгээ амьдраад байна уу эс амьдраад байна уу гэх жиг жуг ч ордноор нэг хийсэх болсон. Эцэст нь хэлэхэд Монгол төрийн сайд болж буй хүнд ийм их но байж болох юм уу! Эсвэл ингэж байж Шадар сайд болдог болчихсон юм уу?