Гурван өдөр Их хурлаа хийсэн МАН-ынхан Бага хурлаа өнөөдөр хуралдуулна
МАН-ын 31-р Их хурал өнгөрсөн Бямба гарагт /2025.11.15/ эхэлж, гурван өдрийн турш хуралдсаар өнөөдөр /2025.11.18/ өглөө өндөрлөж байна. Уг Их хурлын эхний өдөр намын даргаар Н.Учралыг сонгож, хоёр дахь өдрөө намын дүрмийн шинэчлэлийг хэлэлцэн баталсан юм. Харин гурав дахь өдрөө хяналтын хорооны гишүүдийг шинэчилж, бага хурлын гишүүдээ сонгосон.
Тэгвэл Их хурлынхаа дараа Бага хурлаа хуралдуулахаар товлосон байна. Тодруулбал өнөөдөр 40 хувийн квотоо хангаж шинээр байгуулагдсан Бага хурал 16:00 цагаас хуралдахаар болжээ.
