Ө.Шижир: Ханиад томуу, агаар амьсгалын эм, бүтээгдэхүүн оруулж ирдэг компаниуд хүүхдүүдийн туссан ханиад, өвдсөн хатгаа, өвчилгөө томуунаас ихэнх ашгаа олдог

Ханиад томууны дэгдэлт хитэй, эмнэлгүүд ачааллаа дийлэхгүй,үүдэндээ нэмэлт ор тавиад ч барахгүй өдрүүдийг өнгөрүүлж байна. Иймд ЭМЯ-наас сурагчдын амралтыг хоёр долоо хоногийн өмнө эхлүүлэх хүсэлтээ Боловсролын яаманд хүргүүлсэн.

Мөн ханиад томууны дэгдэлтээр эмнэлгүүд ачааллаа дийлэхгүй байгаа энэ үед иргэд байр сууриа илэрхийлсээр буй. Тодруулбал УИХ-ын гишүүн Ө.Шижир цахим хуудастаа хичээлийн шинэ жилийг наймдугаар сарын 1-нд эхлүүлж, өвлийн идэр есөд ЕБС-ийн сурагчдыг амраадаг байх талаар үзэл бодлоо илэрхийлжээ.

Тэрбээр "Ковидын үеэр буюу ид хүйтний үед хөл хорио тогтоож хичээл сургууль, цэцэрлэг амарсан. Тухайн үед хүүхдүүдийн ханиад томуу, агаар замын халдварт өвчлөл 80% буурсан. Үүнийг дагаад эмийн компаниудын борлуулалт ч мөн адил өвлийн улиралдаа энэ хувиар унасан. Ханиад томуу, агаар амьсгалын эм, бүтээгдэхүүн оруулж ирдэг компаниудын борлуулалтын 60% энэ хэдхэн сард л ашгаа олдог…. Нэг үгээр хэлбэл хүүхдүүдийн туссан ханиад, өвдсөн хатгаа, өвчилгөө томуунаас ихэнх ашгаа олдог гэсэн үг…..

20-р зуунд социализмын цаг үед Монголчуудыг шашны үзэл суртлаас салгах гэж 9.1 бол ерөөсөө бидний баяр даа, гэсэн пропаганда ОХУ-аас явуулж эхэлсэн байдаг. Харин өнөө үед хэрэггүй бөгөөд бид бодит нөхцөл байдалтайгаа эвлэрэх хэрэгтэй. Бид чинь Дэлхийн хамгийн хүйтэн өвөлтэй улс шүү дээ. Дэлхийн хамгийн хүйтэн өвлөөр хүүхдүүдээ -40 градуст цэцэрлэг, сургуульд энэ их утаан дунд явуулах нь хэр зөв бэ? Ядаж байхад хятадаас худалдаж авч байгаа түлшинд??? Тохирлын гэрчилгээ байгаа юу, хэд дэх удаагаа Улаанбаатар хотын иргэд дээр утаан дээр туршилт хийгээд байгаа юм бэ? Монгол ардын намын дарга удирдлагууд… бүүр гомдмоор нь Хятадууд манай хотын удирдлагуудтай нийлээд…

Тиймээс ер нь цаашид жил бүрийн 12.01-с эхлэн дараа оны 2.01 хүртэл идэр есийн өвлийн хүйтнээр буюу Монголчуудын хэлдгээр 9 эхлээд 1 ес, 2 ес 3 ес 4 есөд ЕБС-ийг амраагаад 5 ес буюу тавьсан будаа хөлдөхгүй, 6 ес буюу зураасан зам гарах үед хичээлийн хаврын улирлыг эхлүүлээд, хичээлийн шинэ жилийг 9.01н биш 8.01-нд эхлүүлдэг байвал ямар вэ? Нэг бол хэдүүлээ эмийн хэдэн компаниудын төлөө цэцэрлэг, хичээл, сургуулийг өвөлжин явуулъя, үр дүнд нь эмийн компаниуд цөм хийж бид өдөр бүр эмнэлэгт мөнгө үрнэ. Үгүй бол хүүхдүүдийнхээ төлөө өвөл идэр есийн 1 сар гаран 45 хоног хугацаанд амрааж байя…эмийн компаниуд уу үр хүүхдүүд үү? Энэ үед хүүхдийнхээ ханиад томуу, агаар амьсгалын өвчлөлийн эсрэг хэчнээн төгрөг шинжилгээнд өгч, эм тарианд өгч, нааш цааш зардалд зарцуулж байгаагаа тооцож үзээд энэ доор коммент бичээрэй. Маш чухал чухал судалгаа байх болно." гэж бичжээ.