Монголбанкны Ерөнхийлөгч болох С.Наранцогт гэж хэн бэ?

Монголбанк бол Монгол Улсын эдийн засгийн алтан авдар. Энэхүү алтан авдар дээр хэн суух бол гэсэн таамаг олны анхаарлыг багагүй татаж байв. Учир нь Монголбанкны ерөнхийлөгч Б.Лхагвасүрэнгийн бүрэн эрхийн хугацаа дуусгавар болж байгаа юм. Сүүлийн үед энэ албан тушаалд Эдийн засаг хөгжлийн сайд асан Ч.Хүрэлбаатарыг томилогдох магадлалтай гэх мэдээлэл гарч олон нийт чамгүй эсэргүүцсэн.

Тэгвэл өчигдөр /2025.11.25/ МАН-ын бүлгийн хуралдаанд УИХ-ын дарга Н.Учрал Монголбанкны ерөнхийлөгчид С.Наранцогтыг нэр дэвшүүлж улмаар гишүүдийн олонхи нь дэмжснээр томилгоо нь шудрах шатандаа орж байх шиг байна.

С.Наранцогтын тухайд, МУИС-д физикч математикч мэргэжлээр бакалавр болон магистрын зэрэгтэй дүүргэж БНСУ-ын Сөүлийн их сургуульд Инженер-эдийн засагч мэргэжлээр доктор /Ph.D/ зэрэг хамгаалсан аж. Түүнийг ясны “тооны” хүн гэж тодорхойлох нь бий. Сангийн яаманд 10 гаруй жил ажилласан туршлагатай нь холбоотой тодотгол байх. Тэрээр Сангийн яамны Төрийн нарийн бичгийн даргаар ажиллаж байгаад 2022 оны арваннэгдүгээр сард “Эрдэнэс Монгол” ХХК-ийн Гүйцэтгэх захирлаар томилогдож байв. Түүний товч намтрыг сөхвөл,

Боловсрол:

1980-1988 онд Дундговь аймгийн төвийн 10 жилийн 1 дүгээр сургууль,

1988-1990 онд МУИС-ийн гүнзгий лицей дунд сургууль,

1994 онд МУИС-ийн Физик математикийн сургуулийг физикч, математикч мэргэжлээр бакалавр,

1999-2001 онд МУИС-ийн ийн Физик математикийн сургуулийг магистрын зэрэгтэй тус, тус дүүргэж,

2008 онд БНСУ-ын Сөүлийн Үндэсний их сургуульд инженер-эдийн засаг мэргэжлээр доктор /Ph.D/-ын зэрэг хамгаалсан.

Ажлын туршлага:

1993-1994 онд Шинжлэх ухааны академийн Математикийн хүрээлэнд туслах-эрдэм шинжилгээний ажилтан

1994-1997 онд Шинжлэх ухаан мэдээллийн төвд инженер, ахлах инженер

1997-2000 онд Монголын нээлттэй нийгэм хүрээлэнд хөтөлбөрийн зохицуулагч

2000-2003 онд Батлах хамгаалах яам, зөвлөх

2003-2005 онд Сангийн яаманд мэргэжилтэн, хэлтсийн дарга

2005-2008 онд БНСУ, Сөүлийн Үндэсний их сургуульд докторант

2008-2012 онд БСШУЯ-нд Газрын дарга

2012-2015 онд Хөдөлмөрийн яаманд Газрын дарга

2015-2018 онд Сангийн яаманд Газрын дарга

2018-2022 Сангийн яаманд Төрийн нарийн бичгийн дарга

2022 оноос Эдийн засаг, хөгжлийн дэд сайд

2022 оны 11-р сараас “Эрдэнэс Монгол” ХХК-ийн Гүйцэтгэх захирлаар томилогдсон.

Товчхондоо төрийн албанд мерит зарчмаар тушаал ахиж, чанагдсан ясн тоочин Монголбанкийг удирдах нь. Ч.Хүрэлбаатартай харьцуулахад тун догь сонголт гэж болно.

Д.Үүрийнтуяа