УИХ-ын гишүүн Э.Болормаа яллагдагчаар татагдсан тогтоолоо авчээ

УИХ-ын 2024 оны сонгуульд нэр дэвших үеэрээ УИХ-ын гишүүн Э.Болормаа нь гадаадын хөрөнгө оруулалттай компаниас хандив авч зарцуулсан нь Сонгуулийн тухай хуулийг зөрчсөн үйлдэл болсон юм. Энэ асуудалтай нь холбогдуулж нэр бүхий иргэн цагдаагийн байгууллагад гомдол гаргаснаар өнгөрсөн хавраас шалгаж эхэлсэн. Улмаар яллагдагчаар татсан байдаг. 

Гэвч яллагдагчаар татсан тогтоолтойгоо танилцахгүй байгаагаас прокурорын байгууллагаас арваннэгдүгээр сарын 28-нд албадан ирүүлэх хүсэлтийг шүүхэд гаргаад байв. Энэ талаар албаны эх сурвалжаас тодруулахад, “УИХ-ын гишүүн Э.Болормаа яллагдагчаар татагдсан нь үнэн. Тус тогтоолоо авсан байгаа” гэв.