Ирэх даваа гарагаас бага ангийнхан танхимаар хичээллэнэ

Томуу, томуу төст өвчний тархалт нэмэгдэж буйтай холбогдуулан энэ даваа гарагаас эхлэн нийслэлийн ерөнхий боловсролын 1-5 дугаар ангийн сурагчид цахимаар хичээллэж эхэлсэн. Тэд энэ долоо хоногт зайнаас хичээлдээ суугаад ирэх даваа гараг буюу 12 дугаар сарын 8-наас хичээл нь танхимаар орох аж.

Харин  6-9 дүгээр ангийнхан 2025 оны арванхоёрдугаар сарын 8-12-ныг дуустал цахимаар хичээллэнэ.

Сурагчдын өвлийн амралт арванхоёрдугаар сарын 15-наас эхэлнэ. 2025-2026 оны хичээлийн жилд I-V анги 34 долоо хоног, VI-IX анги 35 долоо хоног, X-XII анги 36 долоо хоног тус тус хичээллэнэ.

Бага анги: 2025 оны арванхоёрдугаар сарын 15-наас 2026 оны нэгдүгээр сарын 23

Дунд анги: 2025 оны арванхоёрдугаар сарын 22-ноос 2026 оны нэгдүгээр сарын 23

Ахлах анги: 2025 оны арванхоёрдугаар сарын 22-ноос 2026 оны нэгдүгээр сарын 16-ныг дуустал амарна.