Эрдэнэс Оюутолгой ХХК-ийн гүйцэтгэх захирал Э.Ганхүүг 48 цагийн хугацаатай баривчилжээ
“Эрдэнэс Оюу Толгой” ХХК-ийн Гүйцэтгэх захирал Э.Ганхүүг Авлигатай тэмцэх газраас өнөөдөр хойшлуулшгүй ажиллагааны хүрээнд баривчилж албан өрөөнд нь нэгжлэг хийж байгаа талаар мэдээллээ.
Мэдээлэлд дурдсанаар, Э.Ганхүүг Оюу Толгой” ХХК-аас “ЭОТ” ХХК-д шилжсэн 20 сая ам.долларын зарцуулалт, мөн компанийн байр худалдан авахтай холбоотой зарим үйл ажиллагаанд холбогдуулан шалгаж буй. Түүнийг одоогоор түүнийг яллагдагчаар татаагүй байгаа аж.
Эрдэнэс Оюутолгой ХХК-ийн гүйцэтгэх захирал Э.Ганхүү нь 2024 оны 2 дугаар сарын 28-ны өдөр тус албанд томилогдож байв. Дээр хэлсэнчлэн тэрээр Оюутолгойн бүлэг ордын асуудлаарх хяналтын сонсголд гэрчээр дуудагдаад байсан юм. Баривчилгааны 48 цаг маргааш орой /2025.12.11/ дуусах ба хэрэв үргэлжлүүлэн баривчлахгүй бол баасан гарагт болох сонсголд оролцох боломжтой аж.
Түүний 2024 хөрөнгө орлогын мэдүүлэгийг судалж үзвэл,
- Өөрийн орлого: 160 сая
- Гэр бүлийн орлого: 0
- Автомашин: 220 сая төгрөгийн үнэ бүхий Benz C3008 Lexus-570
- Орон сууц: 1.2 тэрбум төгрөгийн үнэ бүхий 3 орон сууц, 1 зуслангийн байшинтай
- Үнэт эдлэл: 53 сая төгрөг
- Хадгаламж: 17 сая төгрөг
