Элчин сайдуудын томилгооны “сет”: Ерөнхийлөгч Ө.Батбаяр, Лу.Болд нараа энэрч А.Төмөр, Ө.Энхтүвшин нарт төмөр нүүр үзүүлэв

Арванхоёрдугаар сар улс төрийн хувьд маш эгзэгтэй, халаа сэлгээний торгон агшин билээ. Өчигдөр УИХ-ын дарга Н.Учралд Элчин сайд нарыг эгүүлэн татах, томилох талаарх Ерөнхийлөгчийн зөвшилцөх саналыг ЕТГ-ын дарга А.Үйлстөгөлдөрт өргөн мэдүүлсэн. Бидний таньдаг, таньдаггүй туршлагатай, туршлагагүй хүмүүс Элчин сайдаар орж ирж байна. Тэдний хэн нь хэн болохыг харцгаая.

Монгол Улсаас Франц Улсад суух Элчин сайдаар УИХ-ын гишүүн асан Ц.Мөнх-Оргилыг,
Монгол Улсаас Унгар Улсад суух Элчин сайдаар Гадаад харилцааны сайд асан Н.Энхтайвныг,
Монгол Улсаас Герман Улсад суух Элчин сайдаар Хэнтий аймгийн Засаг дарга асан Ж.Оюунбаатарыг тус, тус нэр дэвшүүлжээ.

Хамгийн их олны анхаарлыг татаж байсан Тайландад суух Элчин сайдаар ажиллаж байсан, гэргий нь золгүй явдлаар амиа алдсан А.Төмөр бүрэн эрхийн хугацаа нь дуусгавар болж сая нэг татагдав. Түүний оронд В.Оюуг томилох санал гаргажээ.

Мөн эгүүлэн татагдалгүй “сайн ажилласан” гэж дүгнэгдэн үлдэж буй Элчин сайдууд 4 хүн байна.

Монгол Улсаас АНУ-д суугаа Онц бөгөөд Бүрэн Эрхт Элчин сайд Ө.Батбаяр,
Монгол Улсаас Бельгийн вант Улсад суугаа Элчин сайд Лу.Болд,
Швейцарийн холбооны Улсад суугаа Элчин сайд Р.Алтангэрэл,
Бүгд Найрамдах Ардчилсан Солонгос Ард Улсад суугаа Элчин сайд н.Эрдэнэдаваа нар улирлаа.

Зөвшилцөх саналд:

1. Монгол Улсаас Австралийн Холбооны Улсад суугаа Онц бөгөөд Бүрэн эрхт Элчин сайд Дамдинсүрэнгийн Даваасүрэнг эгүүлэн татаж Гончигзэвэгийн Тэнгэрийг,
2. Монгол Улсаас Бүгд Найрамдах Австри Улсад суугаа Онц бөгөөд Бүрэн эрхт Элчин сайд Мижиддоржийн Цэнгэгийг эгүүлэн татаж Доржраагийн Мөнхтөрийг,
3. Монгол Улсаас Бүгд Найрамдах Беларусь Улсад суугаа Онц бөгөөд Бүрэн эрхт Элчин сайд Батсүхийн Баярсайханыг эгүүлэн татаж Гунаажавын Байгалмааг,
4. Монгол Улсаас Бүгд Найрамдах Болгар Улсад суугаа Онц бөгөөд Бүрэн эрхт Элчин сайд Лхагвасүрэнгийн Саянааг эгүүлэн татаж Авирмидын Баттөрийг,
5. Монгол Улсаас Бүгд Найрамдах Социалист Вьетнам Улсад суугаа Онц бөгөөд Бүрэн эрхт Элчин сайд Жигжээгийн Сэрээжавыг эгүүлэн татаж Ганбаатарын Хуланг,
6. Монгол Улсаас Холбооны Бүгд Найрамдах Герман Улсад суугаа Онц бөгөөд Бүрэн эрхт Элчин сайд Бирваагийн Мандахбилэгийг эгүүлэн татаж Жагдагийн Оюунбаатарыг,
7. Монгол Улсаас Арабын Бүгд Найрамдах Египет Улсад суугаа Онц бөгөөд Бүрэн эрхт Элчин сайд Энхтүвшингийн Булганыг эгүүлэн татаж Доньжчимбуугийн Бямбадоржийг,
8. Монгол Улсаас Бүгд Найрамдах Итали Улсад суугаа Онц бөгөөд Бүрэн эрхт Элчин сайд Цэрэндоржийн Нарантунгалагийг эгүүлэн татаж Дансрангийн Булганыг,
9. Монгол Улсаас Их Британи, Умард Ирландын Нэгдсэн Хаант Улсад суугаа Онц бөгөөд Бүрэн эрхт Элчин сайд Баттөмөрийн Энхсүхийг эгүүлэн татаж Батсүмбэрийн Мөнхжинг,
10. Монгол Улсаас Бүгд Найрамдах Казахстан Улсад суугаа Онц бөгөөд Бүрэн эрхт Элчин сайд Доржхүүгийн Баярхүүг эгүүлэн татаж Гунаажавын Батжаргалыг,
11. Монгол Улсаас Бүгд Найрамдах Киргиз Улсад суугаа Онц бөгөөд Бүрэн эрхт Элчин сайд Содномын Ганхуягийг эгүүлэн татаж Дэмчигийн Тэгшжаргалыг,
12. Монгол Улсаас Оросын Холбооны Улсад суугаа Онц бөгөөд Бүрэн эрхт Элчин сайд Өлзийсайханы Энхтүвшинг эгүүлэн татаж Дуламсүрэнгийн Давааг,
13. Монгол Улсаас Бүгд Найрамдах Сингапур Улсад суугаа Онц бөгөөд Бүрэн эрхт Элчин сайд Сосорбарамын Энхбаярыг эгүүлэн татаж Ганболдын Уянгыг,
14. Монгол Улсаас Бүгд Найрамдах Турк Улсад суугаа Онц бөгөөд Бүрэн эрхт Элчин сайд Гомбосүрэнгийн Мөнхбаярыг эгүүлэн татаж Очирын Лхагвасүрэнг,
15. Монгол Улсаас Унгар Улсад суугаа Онц бөгөөд Бүрэн эрхт Элчин сайд Сайннямбуугийн Баатаржавыг эгүүлэн татаж Нямцэрэнгийн Энхтайваныг,
16. Монгол Улсаас Бүгд Найрамдах Франц Улсад суугаа Онц бөгөөд Бүрэн эрхт Элчин сайд Уламбаярын Нямхүүг эгүүлэн татаж Цэндийн Мөнх-Оргилыг,
17. Монгол Улсаас Бүгд Найрамдах Чех Улсад суугаа Онц бөгөөд Бүрэн эрхт Элчин сайд Дамдины Гансүхийг эгүүлэн татаж Батсайханы Болормааг,
18. Монгол Улсаас Арабын Нэгдсэн Эмират Улсад суугаа Онц бөгөөд Бүрэн эрхт Элчин сайд Шижээхүүгийн Одонбаатарыг эгүүлэн татаж Амгалангийн Анандыг,
19. Монгол Улсаас Бүгд Найрамдах Энэтхэг Улсад суугаа Онц бөгөөд Бүрэн эрхт Элчин сайд Дамбажавын Ганболдыг эгүүлэн татаж Лувсанжавын Өлзийтийг,
20. Монгол Улсаас Тайландын Хаант Улсад суух Онц бөгөөд Бүрэн эрхт Элчин сайдаар Вашагийн Оюуг,
21. Монгол Улсаас Бүгд Найрамдах Ардчилсан Лаос Ард Улсад суух Онц бөгөөд Бүрэн эрхт Элчин сайдаар Даваахүүгийн Баттөр нарыг тус тус томилохоор тусгажээ.