Гадаад харилцааны сайд Б.Батцэцэгт “Хүндэт доктор” цол олгоно
Гадаад харилцааны сайд Б.Батцэцэгт хүндэт доктор цол олгохоор болжээ. Түүний хувьд,
- 1996 онд МУИСийн Олон улсын харилцааны дээд сургуулийг дүүргэсэн
- 2000 онд Санхүү эдийн засгийн дээд сургууль
- 2005 онд Голландын Маастрихтийн менежментийн их сургуулийг тус тус төгссөн Олон улсын харилцааны бакалавр, Бизнесийн удирдлагын магистрын зэрэгтэй.
Тэрбээр Гадаад харилцааны сайдаар ажиллаад 4 жил болж буй. Энэ үзүүлэлтээрээ тэрбээр 1990 оноос хойших сайд нар дотроо 2000-2004 онд Гадаад харилцааны сайдаар ажилласан Л.Эрдэнэчулуунтай зэрэгцэж эн ирээд байгаа. Сүүлийн 20 жилд түүн шиг бүрэн эрхээ гүйцэд эдэлсэн сайд гараагүй гэсэн үг. Өмнө нь 2016-2020 онд Гадаад харилцааны дэд сайдаар ажилласныг нь тооцвол тэрбээр энэ яамны удирдах түвшинд 10 дахь жилдээ ажиллаж байна.
