Н.Учрал: Нэг төрлийн үйл ажиллагаа эрхлэхийн тулд олон зөвшөөрөл авах хэрэггүй болно
УИХ-ын дарга Н.Учралын санаачилгын дагуу Зөвшөөрөл, мэдэгдлийн тухай хуульд нэмэлт өөрчлөлт оруулах төслийг хэлэлцэж эхэллээ. Зөвшөөрлийн тухай хуулийг 2022 онд шинэчилж, 1000 гаруй зөвшөөрлийг 381 болгож цөөлсөн боловч хүнд суртлын цаас ахин нэмэгджээ. Бүртгэл 264, дүгнэлт 232, гэрчилгээ 132, магадлан итгэмжлэл 30, сертификат 9-ийг нэмж зохиосноор 1000 гаруй байсан зөвшөөрөл өөр нэр, зүстэйгээр ахин амилжээ. Тиймээс Зөвшөөрөл, мэдэгдлийн тухай хуульд нэмэлт өөрчлөлт оруулсанаар зуу гаруй журмыг цуцалж, иргэдэд илүү хялбар боломжийг олгох аж.
Тухайлбал, Зарим салбарт нэг төрлийн үйл ажиллагаа эрхлэхийн тулд олон зөвшөөрөл авах хэрэггүй болно.
- Барилгын салбарт 16 давхар байшин босгохын тулд 3 төрлийн тусгай зөвшөөрөл хөөцөлдөж, 3-4 жил хүлээхгүй. Нэг үйл ажиллагаанд нэг л төрлийн зөвшөөрлийг 22 өдөрт багтаан авах юм.
- Зөвшөөрлөө сунгуулахад 20 хоног магадлуулан шалгуулдаг. Зөвшөөрлийн нөхцөл, шаардлагыг зөрчөөгүй нь тогтоогдсон бол ажлын 2 өдөрт шууд сунгана.
- Энгийн 120 зөвшөөрөл олгох, 30 мэдэгдэл бүртгэх эрх салбарын мэргэжлийн нэгдсэн холбоонд шилжинэ. Төрийн яам тамгын газрын ажлыг хүлээн зөвшөөрөгдсөн холбоод гүйцэтгэнэ.
- Төрөөс олгодог 20 зөвшөөрөл нь хуулиар хүчингүй, хэрэгцээ шаардлагагүй болно.
- Зөвшөөрлийн асуудлыг ЭЗХЯ эрхэлнэ. Засгийн газрын ХЭГ бус Эдийн засаг, хөгжлийн яам эрхэлнэ. Эдийн засаг, хөгжил, бизнесийн орчноо хариуцсан яам хариуцах аж
