УИХ-ын гишүүн Л.Мөнхбаясгалан: "Рио Тинто"-д илт давуу байдал олгосон үйлдэл, эс үйлдэхүйг шалгах ёстой

Өчигдөр Оюутолгойн хянан шалгах түр хорооны сүүлчийн хуралдаан дээр УИХ-ын гишүүний эрхийнхээ дагуу зарчмын зөрүүтэй санал гаргалаа. Оюутолгойн гэрээг байгуулснаас хойш 16 жилийн турш Монгол улсад ямар ч ашиггүй зөвхөн өр үйлдвэрлэсэн энэ гэрээг байгуулахад оролцсон, нэмэлт өөрчлөлт хийсэн өнөөг хүртэл Монгол улсыг 20 тэрбум доллларын өрөнд орж байхад дуугүй хараад суусан гагцхүү Рио Тинтод ашигтай давуу байдал бий болгосон үйлдэл, эс үйлдэхүйг хийсэн нөхдүүдийг хуулийн байгууллага шалгаж гэмт хэргийн шинж чанартай бол зохих хуулийн дагуу шийтгэх ёстой гэсэн нэмэлт заалтыг зарчмын зөрүүтэй саналаар оруулж 100 хувиар дэмжүүллээ.

Миний гаргасан зарчмын зөрүүтэй саналд “Монгол Улсын Их Хурлын Хянан шалгах түр хорооноос Оюутолгой бүлэг ордын ашиглалтад Монгол Улсын эрх ашгийг хангуулах ,хүртэх өгөөжийг нэмэгдүүлэх сэдвийн хүрээнд байгуулсан хяналт шалгалт , нээлттэй сонсголын явцад ил болсон зөрчил , гэмт хэргийн шинжтэй үйлдэл, эс үйлдэхүйг хууль тогтоомжид заасан үндэслэл, журмын дагуу шалгах, шийдвэрлэхийг Монгол Улсын ерөнхий проокурор /Б.Жаргалсайхан/ , Авилгатай тэмцэх газрын дарга /З.Дашдаваа/, Тагнуулын ерөнхий газрын дарга /П.Одонбаатар /, Цагдаагийн Ерөнхий газрын дарга /Ж.Болд / нарт тус тус зөвлөсүгэй.

Өнөөдөр УИХ-аар тогтоолын төсөл батлагдах учиртай. УИХ-ын эрхэм гишүүд дэмжиж ажиллана гэдэгт огтхон ч эргэлзэхгүй байна.

Миний хувьд Оюутолгойн гэрээгээр улс орныхоо эрх ашгийг умартаж, эдийн засгийн хувьд хорлон сүйтгэх ажиллагаа явуулж, төрийн нууцыг задруулсан гэмт үйлдлүүд байж болзошгүй нь сонсголын явцад олон нийтийн өмнө ил болсон гэж үзэж байна. Тиймээс гагцхүү хуулийн дор шударгаар шалгаж шийдвэрлэх нь үүрэг хүлээсэн дээрх хуулийн байгууллагуудын хийх ёстой ажил мөнөөсөө мөн. Монгол улсын эрх ашиг, ард түмний эрх ашгийн өмнөөс хохирол нэхэмжлэгч нь гагцхүү Улсын ерөнхий прокурор байдаг.

Хэрэг хуучирдаггүй хэрээ цайрдаггүй гэсэн ардын үг үнэн билээ.