Шүүхийн Ерөнхий зөвлөлийн дарга болсон П.Золзаяа 2015 оноос хойш Улсын дээд шүүхэд шүүгчээр ажиллажээ

Монгол Улсын шүүхийн тухай хуулийн 76 дугаар зүйлийн 76.4-д “Ерөнхий зөвлөлийн даргыг гишүүд дотроосоо нэг жилийн хугацаагаар олонхын саналаар нууц санал хураалтаар зөвхөн нэг удаа сонгоно гэж заасан байдаг.

Ерөнхий зөвлөлийн даргын сул орон тоо гарснаас хойш 14 хоногийн дотор даргыг сонгоно.” гэж заасны дагуу Шүүхийн ерөнхий зөвлөлийн даргыг сонгох зөвлөлийн хуралдаан 2026.01.02-нд болж, гишүүн Пунцагийн Золзаяаг Шүүхийн ерөнхий зөвлөлийн даргаар сонгогджээ. 

Тэрээр 1990 онд ОХУ-ын Иванова хотын Их сургуулийг төгссөн, 2000 оноос Баянзүрх дүүргийн шүүхэд шүүгчээр ажлын гараагаа эхлүүлсэн бол 2015 оноос хойш Улсын дээд шүүхэд шүүгчээр ажиллажээ. 

Боловсрол

• 1990 онд ОХУ-ын Иванова хотын Их сургууль

Хөдөлмөр эрхлэлт

• 2000–2007 онд Баянзүрх дүүргийн шүүхэд шүүгч

• 2007–2010 онд Нийслэлийн шүүхэд шүүгч

• 2010–2014 онд Нийслэлийн шүүхэд Иргэний хэргийн танхимын тэргүүн

• 2014–2015 онд Иргэний хэргийн давж заалдах шатны шүүхэд Ерөнхий шүүгч

• 2015 оноос Улсын дээд шүүхэд шүүгч

• 2025.10.10-оос Шүүхийн ерөнхий зөвлөлийн гишүүн

• 2026.01.02-ны өдрөөс Шүүхийн ерөнхий зөвлөлийн дарга