НАМЭХ-ны дараагийн Ерөнхийлөгчөөр Д.Үүрийнтуяа сонгогдохоор тохиролцжээ

МАН-ын дэргэдэх эмэгтэйчүүдийн байгууллага болох Нийгмийн ардчилал Монголын эмэгтэйчүүдийн холбоо (НАМЭХ) -ны дараагийн Ерөнхийлөгчөөр УИХ-ын гишүүн Д.Үүрийнтуяа яригдаж байна. Тодруулбал, 4 жилд нэг удаа хуралддаг НАМЭХ-ны Ерөнхийлөгчийн сонгууль тун удахгүй болно.

Одоогийн Ерөнхийлөгчөөр УИХ-ын дэд дарга асан Х.Булгантуяа ажиллаж байгаа. Х.Булгантуяагийн хувьд намрын халуун улс төрийн бужигнаанд “туг тахиулсан” гэж гэж болно. Одоогоор түүнийг хуулийн байгууллагаас шалгаж байгаа учраас НАМЭХ-ны Еөнхийлөгчөөр үргэлжлүүлэн ажиллахгүй нь нэгэнт тодорхой болсон. Угаас МАН-ын дэргэдэх тус улс төрийн байгууллагыг хэн тэргүүлэх нь цэвэр улс төрийн эфекттэй байдаг. Тэгвэл Х.Булгантуяагийн халааг УИХ-ын гишүүн Д.Үүрийнтуяа үргэлжлүүлэх нь улс төрийн хүрээнд тодорхой болсон байна.

УИХ-ын гишүүн Д.Үүрийнтуяагийн хувьд,

ХААИС-ийг эдийн засагч мэргэжлээр дүүргэж,
2003-2013 онд Говьсүмбэр аймгийн Мэргэжлийн хяналтын газарт байцаагч,
2014-2016 онд “Содмонгол групп”-ийн Орхон салбарын захирал, группийн худалдаа эрхэлсэн дэд захирал,
2017 оноос Эрдэнэт үйлдвэрийн Ерөнхий захирлын санхүү, эдийн засаг хариуцсан зөвлөх,
2024 оноос УИХ-ын гишүүнээр ажиллаж байна.

Хөрөнгө орлогын мэдүүлэг

Өөрийн орлого: 346,152,000₮
Гэр бүлийн орлого: 142,598,000 ₮
Орон сууц: 1,466,300,000 төгрөгийн үнэ бүхий 3 нийтийн орон сууц
Зогсоол: 2
Автограж: 3
Тээврийн хэрэгсэл: 17,000,000 төгрөгийн үнэ бүхий суудлын жижиг машин /Toyota,Aqua-1/
Мал, аж ахуй: 9,700,000₮ /Үхэр-4, Хурдан удмын адуу-1, Адуу-2/
Газар: 5,170,000 төгрөг
Хадгаламж: 44,679,000₮
Авлага: 265,000,000₮
Зээл: 1,426,150,000₮ /Голомт банк, Голомт банк, ХААН банк, Голомт, Капитрон банк/
Хөрөнгө оруулалт: 918,402,350 ₮