УИХ дахь угсаа залгамжлал буюу nepo babies
НИТХ-ын төлөөлөгч, "Гэрлэх ёслолын ордон"-ы захирал Ү.Оюунзул "Nepo baby бүгдийг авч чадах уу?" хэмээн Монголын улс төр дахь залгамжлал, nepo babies-ийн талаар шүүмжлэлтэй хандсан нь цахим орчинд багагүй шуугиан дагуулаад буй.
Тухайлбал тэрээр "Яагаад Монголын эд хөрөнгөтэй, эрх мэдэлтэй хүмүүс хөвгүүд, охид, хүргэн бэр, нөхөр, эхнэрээ бөөн бөөнөөр нь улс төр рүү оруулж, нас, туршлага, намтар харгалзахгүй, нам, төр удирдах түвшинд аваачиж, УЛС ТӨРЧИЙН ХҮҮХЭД УЛСТӨРЧ, ХӨРӨНГӨТНИЙ ХҮҮХЭД УЛСТӨРЧ болох үйл явдал сүүлийн жилүүдэд МАН, АН, ХҮН намгүй жирийн үзэгдэл болтлоо туйлшраад байгааг анзаарч байна уу, залуусаа. Тэд эд хөрөнгө, эрх мэдлээ, хуулиар хамгаалуулж, хүчээ нэмэгдүүлж, өшөө олон боломжийг бусдаас өрсөж авах санаархалтай, түүндээ хүүхдүүдээ ашиглаж байна гэж хардаг. Ёстой дутуугаа гүйцээж, дундуураа дүүргэх гэсэн санаархал. Үнэхээр хүүхдүүд чинь улс төрч болохыг хүсээд байвал тэгээс эхлүүлэхгүй, яагаад дээд цэгээс нь эхлүүлээд байдаг юм бэ?" хэмээн бичиж, өнөөгийн нийгэм, улс төрийн бодит байдлыг ширүүхэн шүүмжлээд амжив.
Тэгвэл nepo babies гэж хэн бэ, ямар хүмүүсийг ингэж нэрлэх вэ, Монгол улсад хэдэн nepo babies манай улс төрийг удирдан залж, угсаа залгамжилж байгааг манай редакц өнгөрсөн онд нийтлэн, уншигчдад хүргэж байв. Тус нийтлэлийг ЭНДЭЭС уншина уу.
