Багш нар "Боловсролын яамаа хүн намаас чөлөөлье" хөдөлгөөн өрнүүлж эхэлжээ
Өнгөрсөн оны 8 сараас хойш багш нар цалингаа нэмүүлэхийг шаардаж 13 хоног ажил хаялт зарлаж улмаар Засгийн газраас 2026 оны нэгдүгээр сарын 1-нээс багш нарын цалинг 50 хувь нэмэгдүүлэхээр болсон. Гэвч шинэ он гарч, багш нарын цалин буугаад ирмэгц цалин нь нэмэгдсэн бус харин ч хасагдаж орж байгааг багш нар шүүмжилж байна.
Өөрөөр хэлбэл, цалин нэмэгдүүлсэн гэж ажил хаялтыг зогсоож, төсвийн ерөнхийлөн захирагч нараас 10 хувь танаж 618 тэрбумыг төсөвт суулгасныгаа өгч чадахгүйд хүрсэн аж. Багш нарын урамшууллын үнэлгээг ямар хуулиар хасаж цөөлсөн нь тодорхойгүйгээр бууруулж, бүр бодохгүй орхиж, он гараад хоёр дахин нэмэгдэнэ гэсэн хүлээлт нь талаар болжээ.
Тиймээс МҮЭХ-ноос Ерөнхий сайд Г.Занданшатарт багш, эмч нарын цалингийн нэмэгдэл, цалин олгох системийг шинэчлэхтэй холбоотой шаардлага хүргүүллээ.
Мөн түүнчлэн багш нар "Боловсролын яамаа хүн намаас чөлөөлье" хөдөлгөөн өрнүүлж эхэлжээ. Энэ талаар Монголын багш нарын үйлдвэрчний эвлэлийн холбоо группт багш нараас санал авч эхэлсэн байна.
