Б.Батцэцэг: НАМЭХ-ны Ерөнхийлөгчид УИХ-ын гишүүн Д.Үүрийнтуяаг дэмжиж байгаа
МАН-ын дэргэдэх Социал демократ Монголын эмэгтэйчүүдийн холбоо энэ сарын 14-нд Их хурлаа хийж, Ерөнхийлөгчөө сонгоно. Одоогийн Ерөнхийлөгчөөр УИХ-ын дэд дарга асан Х.Булгантуяа ажиллаж байгаа.
Х.Булгантуяагийн хувьд намрын халуун улс төрийн бужигнаанд “туг тахиулсан” гэж гэж болно. Одоогоор түүнийг хуулийн байгууллагаас шалгаж байгаа учраас НАМЭХ-ны Еөнхийлөгчөөр үргэлжлүүлэн ажиллахгүй нь нэгэнт тодорхой болсон. Угаас МАН-ын дэргэдэх тус улс төрийн байгууллагыг хэн тэргүүлэх нь цэвэр улс төрийн эфекттэй байдаг. Тэгвэл Х.Булгантуяагийн халааг УИХ-ын гишүүн Д.Үүрийнтуяа, Гадаад харилцааны сайд Б.Батцэцэг нарын хэн нь үргэлжлүүлэх нь олны анхаарлыг татаад байна.
Энэ талаар Гадаад харилцааны сайд Б.Батцэцэгээс тодруулахад, “Би УИХ, Засгийн газрын гишүүн. Энэ ажлаа чадан ядан хийж, хичээж ажиллаж байгаа. Дээрээс нь дахиад ТББ ахлаад эмэгтэйчүүдийн холбооны дарга болох бодол огт байхгүй. Ерөнхийлөгчийн сонгуульд мөн адил нэр дэвшихгүй. Үүнээс болж надруу бас их дайрах юм байна шүү дээ. НАМЭХ-ны ерөнхийлөгчид УИХ-ын гишүүн Д.Үүрийнтуяаг дэмжиж байгаа" гэлээ.
