Боловсролын салбараар шал арчсан П.Наранбаяр сайдын огцрох болзлоо хангасан 3 факт

Халуун намраас багш нарын цалингийн асуудал хурцаар хөндөгдсөн хэдий ч бодитой шийдэлд хүрэхгүй явсаар хавартай золгож байна. Багш нарын цалинг 3,5 сая төгрөгт хүргэнэ гэж молигодсон П.Наранбаяр сайдын огцрох болзлоо хангасан 3 шалтгааныг дурдъя.

Нэг. Өнгөрсөн хугацаанд Боловсролын салбараар шал арчсан П.Наранбаяр шиг сайд манай салбарын сайдаар ирж байгаагүй гэж салбарынхан нь ам уралдан ярьж байна. Тэрээр багш нарын цалинг 3,5 сая төгрөгт хүргэнэ гэж улс даяар зарлаж инфляци өсгөж, бараа бүтээгдэхүүний үнийг тэнгэрт гартал өсгөсөн хэдий ч бодит байдал дээр багш нарын цалин хангалттай өсөөгүй. Үр дүнд хүрээгүй гэсэн үг. Түүний гол алдаа нь багш нарынхаа цалингийн нэмэгдлийг зөв тооцож чадаагүйтэй холбоотой юм.

Хоёр. Боловсролын зээлийн сангийн дарга О.Сийлэгмааг шалихгүй шалтагаар суудлаас нь буулгаж өөрийн туслахаа даргаар нь томилсон. Боловсролын зээлийн сангийн хууль зөрчсөн хэд хэдэн удаагийн тушаал гаргасан хэдий ч О.Сийлэгмаа түүнийг нь хүлээн зөвшөөрөөгүй. Улмаар П.Наранбаяр сайд хүслээ гүйцээхийн тулд О.Сийлэгмааг ажлаас нь халж оронд нь өөрийн туслах, зургийн багш М.Төртогтохыг томилсон байдаг. Ингээд Боловсролын зээлийн сан бүрэн утгаараа П.Наранбаярын халаасанд орсон. Одоо энэ сан түүний шидэт дохиураар хөдөлнө.

Гурав. 2026 оны төсөв хэлэлцэх үеэр үгсэн хуйвалдах замаар төсөв хулгайлах гэж оролдсон талаар УИХ-ын гишүүн Н.Батсүмбэрэл УИХ-ын чуулганы үеэр хэлж байв. Тэрбээр, “П.Наранбаяр огцрох болзолоо хангасан хүн. Хууль давсан тушаал гаргасан, улс төржсөн томилолт хийсэн. Тухайлбал, 2025 оны 1 сарын 31-ыөдрийий Б5 дугаар тушаалаар томилсон томилгоо нь хууль бус томилгоо гэдгийг төрийн албаны зөвлөлөөр баталсан. Үүнийг засах хэрэгтэй гэсэн зөвлөмж хүргүүлсэн хэдий ч өнөөдрийг хүртэл засаагүй байгаа” гэв.

Олон мянган багш нарыг доромжлоод зогсохгүй улс төржсөн, намчирхсан бусдыг бүлэглэн шахсан томилгоо хийхээ зогсоох ёстой гэдгийг онцолж байлаа.