ХОМ: Туслахгүй, жолоочгүй дэд сайд Г.Дашням 6 тэрбумын 5 орон сууцтай
Засгийн газрын 2025 оны 12 дугаар сарын 17-ны өдрийн ээлжит хуралдаанаар Соёл, спорт, аялал жуулчлал, залуучуудын Дэд сайдаар Г.Дашнямыг томилсон. Тэгвэл дэд сайд нарын нийгмийн хангамж, цалингийн талаар тодруулахад, “Надад жолооч, машин, туслах байхгүй. Эдгээрийн аль нь ч надад хэрэггүй. Би оролцох ёстой арга хэмжээнүүддээ оролцож, хуралдаа цагтаа сууж, дэд сайдын хувьд ажлаа идэвхтэй хийж байна. Цалин гурван сая гаруй төгрөг” гэлээ.
Соёл, спорт, аялал жуулчлал, залуучуудын Дэд сайд Г.Дашням гэж хэн бэ
“Жи-Мобайл”-ын ТУЗ-ийн дарга Ганзоригийн Дашням Хэнтийн аймгийн Дадал сумын уугуул. Шатахууны магнат, хот, хөдөөд 300 гаруй салбар ШТС-тай “Магнай трейд”-ын эзэн Р.Ганзоригийн хүү. Мөн сүүлийн гурван жил Улаанбаатарын гудамжаар “хөглөрч” буй “Jet” скүүтерээрээ залуучуудад танигдаж байгаа. Намтрынх нь тухайд, 1990 онд дөрвөн настайдаа Орос руу нүүж, Москвад бага сургуулиа төгссөн. Тэндээсээ Швейцарь руу нүүж, Женевт ахлах сургуулиа төгссөн. Тэндээсээ Англи руу нүүж, Лондонд их сургуулиа төгссөн. Ингээд 18 жилийн дараа, 2008 онд 22 настай Монголдоо ирсэн. 2023 онд бие даасан бизнесээ эхлүүлж, “Жет шаринг монголиа” ХХК-аараа скүүтер түрээслүүлж эхэлсэн бол 2024 оны УИХ-ын сонгуульд нэр дэвшиж байсан удаатай.
Хөрөнгө орлогын мэдүүлэг:
Өөрийн орлого: 721 сая төгрөг
Гэр бүлийн нийт орлого: 0
Орон сууц: Нийтийн орон сууц-5 /6.6 тэрбум төгрөг/
Машин: Суудлын жижиг машин, Mercedes Benz, SLS 500-1, суудлын жижиг машин, BMW, 528-1, суудлын жижиг машин, Mercedes Benz, S600-1, Мотоцикл, Yamaha, YZF- 1 /2.1 тэрбум төгрөг/
Мал аж ахуй: 0
Үнэт эдлэл: 0
Хадгаламж: Дотоодын банк, санхүүгийн байгууллагад 51 сая төгрөгийн хадгаламж
Авлага: 0
Компани, нөхөрлөл хоршоонд оруулсан хувь:
-Онон бат ширээт сан Бусад-100 хувийн ногдол ашиг
-Жет шаринг монголиа ХХК-ийн 100 хувийн ногдол ашиг
-Улаанбаатар сити эф си ХХК-ийн 100 хувийн ногдол ашиг
-Грийнбридж тур ХХК-ийн 33 хувийн ногдол ашиг
-Зүэндко ХХК-ийн 40 хувийн ногдол ашиг
-Жимобайл групп ХХК-ийн 50 хувийн ногдол ашиг
