Б.Найдалааг, Л.Энх-Амгалан нарыг сайдаар томилох саналыг өнөөдөр УИХ-д танилцуулна

Өнөөдөр УИХ-ын ээлжит чуулганы хуралдаан болно. Чуулганы хэлэлцэх асуудлын эхэнд Б.Чойжилсүрэн, П.Наранбаяр нарыг чөлөөлж Эрчим хүчний сайдаар Б.Найдлааг, Боловсролын сайдаар Л.Энх-Амгаланг томилох талаар Ерөнхий сайд Г.Занданшатар танилцуулахаар байна.

Ташрамд дурдахад, өчигдрийн Засгийн газрын хуралдаанаар Б.Найдлаа, Л.Энх-Амгалан нарыг томилох гэж буйгаа Г.Занданшатар сайд нартаа танилцуулсан билээ.

Хэлэлцэх асуудлууд

• Нийгмийн хамгааллын тухай Монгол Улс болон Бүгд Найрамдах Австри Улс хоорондын хэлэлцээр соёрхон батлах тухай хуулийн төсөл/Засгийн газар 2025.12.26ны өдөр өргөн мэдүүлсэн, соёрхон батлах/
• Монгол Улсын Үндсэн хуулийн цэцийн 2025 оны 11 дүгээр дүгнэлт /Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 40 дүгээр зүйлийн 40.1.2 дахь заалт Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/
• Монгол Улсын Үндсэн хуулийн цэцийн 2025 оны 12 дугаар дүгнэлт /Монгол Улсын Их Хурлын чуулганы хуралдааны дэгийн тухай хуулийн 101 дүгээр зүйлийн 101.1, 102 дугаар зүйлийн 102.1 дэх хэсгийн холбогдох зохицуулалт Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/
•  Монгол Улсын Үндсэн хуулийн цэцийн 2026 оны 01 дүгээр дүгнэлт /Үндсэн хуулийн цэцэд маргаан хянан шийдвэрлэх ажиллагааны тухай хуулийн 14 дүгээр зүйл Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/
•  Бусад