Тэргүүн их хамба Д.Жавзандорж Заяын хүрээнд мориллоо
Монголын Бурхан Шашинтны Төв Гандантэгчэнлин хийдийн Тэргүүн их хамба лам, 30 дахь хамба номун хан, гэвш лхаарамба Д.Жавзандорж Архангай аймгийн Цэцэрлэг хотын түүхт Заяын хүрээ буюу Төгс баясгалант буян дэлгэрүүлэх хийдэд морилж, лам хуврага нартай уулзан, хийдийн үйл ажиллагаа болон бүтээн байгуулалтын ажилтай танилжээ.
Тэрээр түүх, шашин соёлын үнэт өвийг хадгалан хамгаалж, уламжлалт номын ёсыг үргэлжлүүлэн дэлгэрүүлж буй Заяын хүрээний бүтээн байгуулалт, сэргээн засварлах үйлсэд нь амжилт хүслээ.
Өчигдөр буюу 17-ны өдөр Тэргүүн их хамба ламтан Завхан аймгийн Тэлмэн сумын Өлзий хутаг арвижих хийдэд морилон саатаж эрдэм бүхний суурь болсон “Ёндан ширжүрма” номыг сүсэгтэн олонд айлдан дэлгэрүүлсэн байна.
Мөн тэрээр энэ сарын 13–15-ны өдрүүдэд Хөвсгөл аймагт морилж, Мөрөнгийн хүрээ Гандандаржайлин хийдийн лам хуврагуудын заллагаар дээдийн номын айлдвар айлджээ.
Гандантэгчэнлин Хийд
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.