Г.Ундармаагийн 50 насны жавхаа
Хошин урлагийн адтай, жаатай, үзэсгэлэнтэй жүжигчин Г.Ундармаа энэ жил 50 нас хүрсэн. Өдгөө сайн үйлсийн элч, U film-ийн үүсгэн байгуулагч авьяаслаг жүжигчин тэрбээр 1997 онд хошин урлагт хөл тавьж, удалгүй “Шинэ үе” продашкнд ажиллах болжээ. Ийнхүү “Шинэ үе” продакшны гол жүжигчнээр 13 жил ажилласны дараа “U film” кино компани байгуулж, анхны киногоор Single Ladies-г бүтээж байв. Үүнээс хойш дэлгэцийн уран бүтээлээ тасралтгүй туурвиж яваа Г.Ундармаа "Итгэлийн танхим" ТББ-аараа дамжуулан сайн үйлсийн аян ч мөн хийсээр буй.
