"Алдарт Эх-2024” спортын VI наадам эхэллээ
“Зөв гэр бүл-Зөв хүүхэд-Зөв нийгэм” уриан дор ээжүүдэд эрүүл аж төрөх зан үйлийг хэвшүүлэх, идэвхтэй хөдөлгөөн, спортоор хичээллэх боломжийг нэмэгдүүлэх зорилгоор жил бүр уламжлал болгон зохион байгуулдаг.
"Алдарт Эх-2024” Спортын VI наадам 2024 оны 11-р сарын 02-17 өдрүүдэд Багануур хот, Үндэсний цэцэрлэгт хүрээлэн, Уран ган спорт цогцолборт зохион байгуулагдана.
Багануур багийн нэрэмжит Спортын VI наадам шатар, дартс, теннис, сагсан бөмбөг, волейбол, боулинг, кросс гүйлт гэсэн спортын 7 төрлөөр зохион байгуулагдах бөгөөд “Шонхорууд", "Арга Билэг", "Марта", "Цоглог", "Яргуй", "June Angels “, “Долоон Бурхан", "Нархан", "Diamonds”, "ГооДаль", "Ягаан цэцэгс", "Super Stars” “Багахангай", "Багануур" "Налайх" гэсэн 15 багийн 500 гаруй эмэгтэйчүүд оролцоно.
Спортын VI наадамд (-39 нас, 40+ нас) насны ангилалаар зохион байгуулах бөгөөд Алдарт эх цахим нэгдлийн гишүүд оролцож байна. Өнгөрсөн жил Багануур дүүргийн "Багануур" баг нийт дүнгээр тэргүүлэн шилжин явах цомын эзэд болсон билээ.
Тус спортын наадмын ерөнхий зохион байгуулагчаар "Алунгоо Эх" ТББ, "Алдарт эх" цахим нэгдэл ажиллаж буй бөгөөд ЗГТАгентлаг-Биеийн тамир, спортын улсын хороо болон "Багануур” баг, Уран ган спорт цогцолбор, МХХМГХолбоо хамтран ажиллаж байна.
