"Де факто" Д.Жаргалсайхан Хан-Уулд нэр дэвшинэ гэв
Сонгуулийн жил эхэлж, улстөрчид тойргоо сонгон, хэдийнэ нэр дэвшихээ зарлаад эхэлжээ. Хөгжлийн банкны асуудал, нүүрсний хулгай, ногоон автобус, Боловсролын зээлийн сан тэргүүтэй томчуудын ар, араасаа дэлгэгдсэн дуулиан одоо хүртэл намдаагүй. Үүний сургаар МАН, АН-ын нэр хүнд Улаанбаатар хотод унаж эхэлсэн. Тиймдээ ч МАНАН-чууд хөдөө орон нутгийг онилж, унасан рейтингээ өсгөх бяцхан заль ашиглахаар төлөвлөсөн сурагтай.
Хөдөө орон нутгийг онилсон МАНАН төлөвлөгөөгөө боловсруулж байх цаг дор ХҮН намын рейтинг харин нийслэл хотноо тун хүчтэй, үнэлгээ сайтай байгаа. Ар, араасаа хөвөрсөн хэргүүдийн дуулианд дөжирсөн иргэдийн овжонг ашиглан ХҮН нам тактикаа хэдийнэ зурсан гэнэ билээ. Угаас боловрсол, бизнесийг харж салбартаа чамлахааргүй амжилттай яваа доктор, шинжлэх ухаанч, хөрөнгөтнүүдийг цуглуулсан тэд энэ удаагийн сонгуульд ч боловсролын зэргээгээ бусад намуудтай өрсөлдөх нь.
Тухайлбал тус намын гишүүн гэгддэг "De Facto" Д.Жаргалсайхан Хан-Уулд нэр дэвшихээр болжээ. Тэгвэл Баянзүрх дүүрэгт Шинэ Монгол сургуулийн захирал асан, доктор П.Наранбаяр, Баянгол дүүрэгт тус намаас ерөнхийлөгчид нэр дэвшсэн Д.Энхбат тэргүүтэй улстөрчид сонголтоо хийгээд амжсан байна.
